সূক্ত 81

81.1

৫ বসুর্ভারদ্বাজঃ । পবমানঃ সোমঃ ।জগতী, ৫ ত্রিষ্টুপ্ ।

প্র সোমস্য পবমানস্যোর্ময় ইন্দ্রস্য যন্তি জঠরং সুপেশসঃ ।
দধ্না যদীমুন্নীতা যশসা গবাং দানায় শূরমুদমন্দিষুঃ সুতাঃ ॥১॥

81.2

অচ্ছা হি সোমঃ কলশাঁ অসিষ্যদদত্যো ন বোল্হা রঘুবর্তনির্বৃষা ।
অথা দেবানামুভয়স্য জন্মনো বিদ্বাঁ অশ্নোত্যমুত ইতশ্চ যৎ ॥২॥

81.3

আ নঃ সোম পবমানঃ কিরা বস্বিন্দো ভব মঘবা রাধসো মহঃ ।
শিক্ষা বয়োধো বসবে সু চেতুনা মা নো গয়মারে অস্মত্পরা সিচঃ ॥৩॥

81.4

আ নঃ পূষা পবমানঃ সুরাতয়ো মিত্রো গচ্ছন্তু বরুণঃ সজোষসঃ ।
বৃহস্পতির্মরুতো বায়ুরশ্বিনা ত্বষ্টা সবিতা সুয়মা সরস্বতী ॥৪॥

81.5

উভে দ্যাবাপৃথিবী বিশ্বমিন্বে অর্যমা দেবো অদিতির্বিধাতা ।
ভগো নৃশংস উর্ব১ন্তরিক্ষং বিশ্বে দেবাঃ পবমানং জুষন্ত ॥৫॥