সূক্ত 82

82.1

৫ বসুর্ভারদ্বাজঃ । পবমানঃ সোমঃ ।জগতী , ৫ ত্রিষ্টুপ্ ।

অসাবি সোমো অরুষো বৃষা হরী রাজেব দস্মো অভি গা অচিক্রদৎ ।
পুনানো বারং পর্যেত্যব্যয়ং শ্যেনো ন যোনিং ঘৃতবন্তমাসদম্ ॥১॥

82.2

কবির্বেধস্যা পর্যেষি মাহিনমত্যো ন মৃষ্টো অভি বাজমর্ষসি ।
অপসেধন্দুরিতা সোম মৃলয় ঘৃতং বসানঃ পরি যাসি নির্ণিজম্ ॥২॥

82.3

পর্জন্যঃ পিতা মহিষস্য পর্ণিনো নাভা পৃথিব্যা গিরিষু ক্ষয়ং দধে ।
স্বসার আপো অভি গা উতাসরন্ত্সং গ্রাবভির্নসতে বীতে অধ্বরে ॥৩॥

82.4

জায়েব পত্যাবধি শেব মংহসে পজ্রায়া গর্ভ শৃণুহি ব্রবীমি তে ।
অন্তর্বাণীষু প্র চরা সু জীবসেঽনিন্দ্যো বৃজনে সোম জাগৃহি ॥৪॥

82.5

যথা পূর্বেভ্যঃ শতসা অমৃধ্রঃ সহস্রসাঃ পর্যয়া বাজমিন্দো ।
এবা পবস্ব সুবিতায় নব্যসে তব ব্রতমন্বাপঃ সচন্তে ॥৫॥