সূক্ত 76

76.1

৫ কবির্ভার্গবঃ । পবমানঃ সোমঃ ।জগতী ।

ধর্তা দিবঃ পবতে কৃত্ব্যো রসো দক্ষো দেবানামনুমাদ্যো নৃভিঃ ।
হরিঃ সৃজানো অত্যো ন সত্বভির্বৃথা পাজাংসি কৃণুতে নদীষ্বা ॥১॥

76.2

শূরো ন ধত্ত আয়ুধা গভস্ত্যোঃ স্ব১ঃ সিষাসন্রথিরো গবিষ্টিষু ।
ইন্দ্রস্য শুষ্মমীরয়ন্নপস্যুভিরিন্দুর্হিন্বানো অজ্যতে মনীষিভিঃ ॥২॥

76.3

ইন্দ্রস্য সোম পবমান ঊর্মিণা তবিষ্যমাণো জঠরেষ্বা বিশ ।
প্র ণঃ পিন্ব বিদ্যুদভ্রেব রোদসী ধিয়া ন বাজাঁ উপ মাসি শশ্বতঃ ॥৩॥

76.4

বিশ্বস্য রাজা পবতে স্বর্দৃশ ঋতস্য ধীতিমৃষিষালবীবশৎ ।
যঃ সূর্যস্যাসিরেণ মৃজ্যতে পিতা মতীনামসমষ্টকাব্যঃ ॥৪॥

76.5

বৃষেব যূথা পরি কোশমর্ষস্যপামুপস্থে বৃষভঃ কনিক্রদৎ ।
স ইন্দ্রায় পবসে মত্সরিন্তমো যথা জেষাম সমিথে ত্বোতয়ঃ ॥৫॥