সূক্ত 77

77.1

৫ কবির্ভার্গবঃ । পবমানঃ সোমঃ ।জগতী ।

এষ প্র কোশে মধুমাঁ অচিক্রদদিন্দ্রস্য বজ্রো বপুষো বপুষ্টরঃ ।
অভীমৃতস্য সুদুঘা ঘৃতশ্চুতো বাশ্রা অর্ষন্তি পয়সেব ধেনবঃ ॥১॥

77.2

স পূর্ব্যঃ পবতে যং দিবস্পরি শ্যেনো মথায়দিষিতস্তিরো রজঃ ।
স মধ্ব আ যুবতে বেবিজান ইত্কৃশানোরস্তুর্মনসাহ বিভ্যুষা ॥২॥

77.3

তে নঃ পূর্বাস উপরাস ইন্দবো মহে বাজায় ধন্বন্তু গোমতে ।
ঈক্ষেণ্যাসো অহ্যো৩ ন চারবো ব্রহ্মব্রহ্ম যে জুজুষুর্হবির্হবিঃ ॥৩॥

77.4

অয়ং নো বিদ্বান্বনবদ্বনুষ্যত ইন্দুঃ সত্রাচা মনসা পুরুষ্টুতঃ ।
ইনস্য যঃ সদনে গর্ভমাদধে গবামুরুব্জমভ্যর্ষতি ব্রজম্ ॥৪॥

77.5

চক্রির্দিবঃ পবতে কৃত্ব্যো রসো মহাঁ অদব্ধো বরুণো হুরুগ্যতে ।
অসাবি মিত্রো বৃজনেষু যজ্ঞিয়োঽত্যো ন যূথে বৃষয়ুঃ কনিক্রদৎ ॥৫॥