সূক্ত 41

41.1

৬ মেধ্যাতিথিঃ কাণ্বঃ । পবমানঃ সোমঃ । গায়ত্রী ।

প্র যে গাবো ন ভূর্ণয়স্ত্বেষা অয়াসো অক্রমুঃ । ঘ্নন্তঃ কৃষ্ণামপ ত্বচম্ ॥১॥

41.2

সুবিতস্য মনামহেঽতি সেতুং দুরাব্যম্ । সাহ্বাংসো দস্যুমব্রতম্ ॥২॥

41.3

শৃণ্বে বৃষ্টেরিব স্বনঃ পবমানস্য শুষ্মিণঃ । চরন্তি বিদ্যুতো দিবি ॥৩॥

41.4

আ পবস্ব মহীমিষং গোমদিন্দো হিরণ্যবৎ । অশ্বাবদ্বাজবত্সুতঃ ॥৪॥

41.5

স পবস্ব বিচর্ষণ আ মহী রোদসী পৃণ । উষাঃ সূর্যো ন রশ্মিভিঃ ॥৫॥

41.6

পরি ণঃ শর্ময়ন্ত্যা ধারয়া সোম বিশ্বতঃ । সরা রসেব বিষ্টপম্ ॥৬॥