সূক্ত 40

40.1

৬ বৃহন্মতিরাঙ্গিরসঃ । পবমানঃ সোমঃ । গায়ত্রী ।

পুনানো অক্রমীদভি বিশ্বা মৃধো বিচর্ষণিঃ । শুম্ভন্তি বিপ্রং ধীতিভিঃ ॥১॥

40.2

আ যোনিমরুণো রুহদ্গমদিন্দ্রং বৃষা সুতঃ । ধ্রুবে সদসি সীদতি ॥২॥

40.3

নূ নো রয়িং মহামিন্দোঽস্মভ্যং সোম বিশ্বতঃ । আ পবস্ব সহস্রিণম্ ॥৩॥

40.4

বিশ্বা সোম পবমান দ্যুম্নানীন্দবা ভর । বিদাঃ সহস্রিণীরিষঃ ॥৪॥

40.5

স নঃ পুনান আ ভর রয়িং স্তোত্রে সুবীর্যম্ । জরিতুর্বর্ধয়া গিরঃ ॥৫॥

40.6

পুনান ইন্দবা ভর সোম দ্বিবর্হসং রয়িম্ । বৃষন্নিন্দো ন উক্থ্যম্ ॥৬॥