সূক্ত 39

39.1

৬ বৃহন্মতিরাঙ্গিরসঃ । পবমানঃ সোমঃ । গায়ত্রী ।

আশুরর্ষ বৃহন্মতে পরি প্রিয়েণ ধাম্না । যত্র দেবা ইতি ব্রবন্ ॥১॥

39.2

পরিষ্কৃণ্বন্ননিষ্কৃতং জনায় যাতয়ন্নিষঃ । বৃষ্টিং দিবঃ পরি স্রব ॥২॥

39.3

সুত এতি পবিত্র আ ত্বিষিং দধান ওজসা । বিচক্ষাণো বিরোচয়ন্ ॥৩॥

39.4

অয়ং স যো দিবস্পরি রঘুয়ামা পবিত্র আ । সিন্ধোরূর্মা ব্যক্ষরৎ ॥৪॥

39.5

আবিবাসন্পরাবতো অথো অর্বাবতঃ সুতঃ । ইন্দ্রায় সিচ্যতে মধু ॥৫॥

39.6

সমীচীনা অনূষত হরিং হিন্বন্ত্যদ্রিভিঃ । যোনাবৃতস্য সীদত ॥৬॥