সূক্ত 42

42.1

৬ মেধ্যাতিথিঃ কাণ্বঃ । পবমানঃ সোমঃ । গায়ত্রী ।

জনয়ন্রোচনা দিবো জনয়ন্নপ্সু সূর্যম্ । বসানো গা অপো হরিঃ ॥১॥

42.2

এষ প্রত্নেন মন্মনা দেবো দেবেভ্যস্পরি । ধারয়া পবতে সুতঃ ॥২॥

42.3

বাবৃধানায় তূর্বয়ে পবন্তে বাজসাতয়ে । সোমাঃ সহস্রপাজসঃ ॥৩॥

42.4

দুহানঃ প্রত্নমিত্পয়ঃ পবিত্রে পরি ষিচ্যতে । ক্রন্দন্দেবাঁ অজীজনৎ ॥৪॥

42.5

অভি বিশ্বানি বার্যাভি দেবাঁ ঋতাবৃধঃ । সোমঃ পুনানো অর্ষতি ॥৫॥

42.6

গোমন্নঃ সোম বীরবদশ্বাবদ্বাজবত্সুতঃ । পবস্ব বৃহতীরিষঃ ॥৬॥