সূক্ত 29

29.1

৬ নৃমেধ আঙ্গিরসঃ । পবমানঃ সোমঃ । গায়ত্রী ।

প্রাস্য ধারা অক্ষরন্বৃষ্ণঃ সুতস্যৌজসা । দেবাঁ অনু প্রভূষতঃ ॥১॥

29.2

সপ্তিং মৃজন্তি বেধসো গৃণন্তঃ কারবো গিরা । জ্যোতির্জজ্ঞানমুক্থ্যম্ ॥২॥

29.3

সুষহা সোম তানি তে পুনানায় প্রভূবসো । বর্ধা সমুদ্রমুক্থ্যম্ ॥৩॥

29.4

বিশ্বা বসূনি সংজয়ন্পবস্ব সোম ধারয়া । ইনু দ্বেষাংসি সধ্র্যক্ ॥৪॥

29.5

রক্ষা সু নো অররুষঃ স্বনাত্সমস্য কস্য চিৎ । নিদো যত্র মুমুচ্মহে ॥৫॥

29.6

এন্দো পার্থিবং রয়িং দিব্যং পবস্ব ধারয়া । দ্যুমন্তং শুষ্মমা ভর ॥৬॥