Sukta 29

29.1

6 nrimedha angirasah, pavamanah somah, gayatri

प्रास्य॒ धारा॑ अक्षर॒न्वृष्ण॑ः सु॒तस्यौज॑सा । दे॒वाँ अनु॑ प्र॒भूष॑तः ॥१॥

Prasya dhara aksharanvrishnah sutasyaujasa, devam anu prabhushatah

सप्तिं॑ मृजन्ति वे॒धसो॑ गृ॒णन्त॑ः का॒रवो॑ गि॒रा । ज्योति॑र्जज्ञा॒नमु॒क्थ्य॑म् ॥२॥

Saptim mrijanti vedhaso grinantah karavo gira, jyotirjagyanamukthyam

सु॒षहा॑ सोम॒ तानि॑ ते पुना॒नाय॑ प्रभूवसो । वर्धा॑ समु॒द्रमु॒क्थ्य॑म् ॥३॥

Sushaha soma tani te punanaya prabhuvaso, vardha samudramukthyam

विश्वा॒ वसू॑नि सं॒जय॒न्पव॑स्व सोम॒ धार॑या । इ॒नु द्वेषां॑सि स॒ध्र्य॑क् ॥४॥

Vishva vasuni sanjayanpavasva soma dharaya, inu dveshansi sadhryak

रक्षा॒ सु नो॒ अर॑रुषः स्व॒नात्स॑मस्य॒ कस्य॑ चित् । नि॒दो यत्र॑ मुमु॒च्महे॑ ॥५॥

Raksha su no ararushah svanatsamasya kasya chit, nido yatra mumuchmahe

एन्दो॒ पार्थि॑वं र॒यिं दि॒व्यं प॑वस्व॒ धार॑या । द्यु॒मन्तं॒ शुष्म॒मा भ॑र ॥६॥

Endo parthivam rayim divyam pavasva dharaya, dyumantam shushmama bhara