সূক্ত 28

28.1

৬ প্রিয়মেধ আঙ্গিরসঃ । পবমানঃ সোমঃ । গায়ত্রী ।

এষ বাজী হিতো নৃভির্বিশ্ববিন্মনসস্পতিঃ । অব্যো বারং বি ধাবতি ॥১॥

28.2

এষ পবিত্রে অক্ষরত্সোমো দেবেভ্যঃ সুতঃ । বিশ্বা ধামান্যাবিশন্ ॥২॥

28.3

এষ দেবঃ শুভায়তেঽধি যোনাবমর্ত্যঃ । বৃত্রহা দেববীতমঃ ॥৩॥

28.4

এষ বৃষা কনিক্রদদ্দশভির্জামিভির্যতঃ । অভি দ্রোণানি ধাবতি ॥৪॥

28.5

এষ সূর্যমরোচয়ত্পবমানো বিচর্ষণিঃ । বিশ্বা ধামানি বিশ্ববিৎ ॥৫॥

28.6

এষ শুষ্ম্যদাভ্যঃ সোমঃ পুনানো অর্ষতি । দেবাবীরঘশংসহা ॥৬॥