সূক্ত 27

27.1

৬ নৃমেধ আঙ্গিরসঃ । পবমানঃ সোমঃ । গায়ত্রী ।

এষ কবিরভিষ্টুতঃ পবিত্রে অধি তোশতে । পুনানো ঘ্নন্নপ স্রিধঃ ॥১॥

27.2

এষ ইন্দ্রায় বায়বে স্বর্জিত্পরি ষিচ্যতে । পবিত্রে দক্ষসাধনঃ ॥২॥

27.3

এষ নৃভির্বি নীয়তে দিবো মূর্ধা বৃষা সুতঃ । সোমো বনেষু বিশ্ববিৎ ॥৩॥

27.4

এষ গব্যুরচিক্রদত্পবমানো হিরণ্যয়ুঃ । ইন্দুঃ সত্রাজিদস্তৃতঃ ॥৪॥

27.5

এষ সূর্যেণ হাসতে পবমানো অধি দ্যবি । পবিত্রে মত্সরো মদঃ ॥৫॥

27.6

এষ শুষ্ম্যসিষ্যদদন্তরিক্ষে বৃষা হরিঃ । পুনান ইন্দুরিন্দ্রমা ॥৬॥