সূক্ত 30

30.1

৬ বিন্দুরাঙ্গিরসঃ । পবমানঃ সোমঃ । গায়ত্রী ।

প্র ধারা অস্য শুষ্মিণো বৃথা পবিত্রে অক্ষরন্ । পুনানো বাচমিষ্যতি ॥১॥

30.2

ইন্দুর্হিয়ানঃ সোতৃভির্মৃজ্যমানঃ কনিক্রদৎ । ইয়র্তি বগ্নুমিন্দ্রিয়ম্ ॥২॥

30.3

আ নঃ শুষ্মং নৃষাহ্যং বীরবন্তং পুরুস্পৃহম্ । পবস্ব সোম ধারয়া ॥৩॥

30.4

প্র সোমো অতি ধারয়া পবমানো অসিষ্যদৎ । অভি দ্রোণান্যাসদম্ ॥৪॥

30.5

অপ্সু ত্বা মধুমত্তমং হরিং হিন্বন্ত্যদ্রিভিঃ । ইন্দবিন্দ্রায় পীতয়ে ॥৫॥

30.6

সুনোতা মধুমত্তমং সোমমিন্দ্রায় বজ্রিণে । চারুং শর্ধায় মত্সরম্ ॥৬॥