সূক্ত 31

31.1

৬ গোতমো রাহূগণঃ। পবমানঃ সোমঃ । গায়ত্রী ।

প্র সোমাসঃ স্বাধ্য১ঃ পবমানাসো অক্রমুঃ । রয়িং কৃণ্বন্তি চেতনম্ ॥১॥

31.2

দিবস্পৃথিব্যা অধি ভবেন্দো দ্যুম্নবর্ধনঃ । ভবা বাজানাং পতিঃ ॥২॥

31.3

তুভ্যং বাতা অভিপ্রিয়স্তুভ্যমর্ষন্তি সিন্ধবঃ । সোম বর্ধন্তি তে মহঃ ॥৩॥

31.4

আ প্যায়স্ব সমেতু তে বিশ্বতঃ সোম বৃষ্ণ্যম্ । ভবা বাজস্য সংগথে ॥৪॥

31.5

তুভ্যং গাবো ঘৃতং পয়ো বভ্রো দুদুহ্রে অক্ষিতম্ । বর্ষিষ্ঠে অধি সানবি ॥৫॥

31.6

স্বায়ুধস্য তে সতো ভুবনস্য পতে বয়ম্ । ইন্দো সখিত্বমুশ্মসি ॥৬॥