Sukta 31

31.1

6 gotamo rahuganah, pavamanah somah, gayatri

प्र सोमा॑सः स्वा॒ध्य१ः पव॑मानासो अक्रमुः । र॒यिं कृ॑ण्वन्ति॒ चेत॑नम् ॥१॥

Pra somasah svadhya1h pavamanaso akramuh, rayim krinvanti chetanam

दि॒वस्पृ॑थि॒व्या अधि॒ भवे॑न्दो द्युम्न॒वर्ध॑नः । भवा॒ वाजा॑नां॒ पति॑ः ॥२॥

Divasprithivya adhi bhavendo dyumnavardhanah, bhava vajanam patih

तुभ्यं॒ वाता॑ अभि॒प्रिय॒स्तुभ्य॑मर्षन्ति॒ सिन्ध॑वः । सोम॒ वर्ध॑न्ति ते॒ मह॑ः ॥३॥

Tubhyam vata abhipriyastubhyamarshanti sindhavah, soma vardhanti te mahah

आ प्या॑यस्व॒ समे॑तु ते वि॒श्वत॑ः सोम॒ वृष्ण्य॑म् । भवा॒ वाज॑स्य संग॒थे ॥४॥

A pyayasva sametu te vishvatah soma vrishnyam, bhava vajasya sangathe

तुभ्यं॒ गावो॑ घृ॒तं पयो॒ बभ्रो॑ दुदु॒ह्रे अक्षि॑तम् । वर्षि॑ष्ठे॒ अधि॒ सान॑वि ॥५॥

Tubhyam gavo ghritam payo babhro duduhre akshitam, varshishthe adhi sanavi

स्वा॒यु॒धस्य॑ ते स॒तो भुव॑नस्य पते व॒यम् । इन्दो॑ सखि॒त्वमु॑श्मसि ॥६॥

Svayudhasya te sato bhuvanasya pate vayam, indo sakhitvamushmasi