সূক্ত 114

114.1

৪ কশ্যপো মারীচঃ । পবমানঃ সোমঃ । পঙ্ক্তিঃ ।

য ইন্দোঃ পবমানস্যাঽনু ধামান্যক্রমীৎ ।
তমাহুঃ সুপ্রজা ইতি যস্তে সোমাবিধন্মন ইন্দ্রায়েন্দো পরি স্রব ॥১॥

114.2

ঋষে মন্ত্রকৃতাং স্তোমৈঃ কশ্যপোদ্বর্ধয়ন্গিরঃ ।
সোমং নমস্য রাজানং যো জজ্ঞে বীরুধাং পতিরিন্দ্রায়েন্দো পরি স্রব ॥২॥

114.3

সপ্ত দিশো নানাসূর্যাঃ সপ্ত হোতার ঋত্বিজঃ ।
দেবা আদিত্যা যে সপ্ত তেভিঃ সোমাভি রক্ষ ন ইন্দ্রায়েন্দো পরি স্রব ॥৩॥

114.4

যত্তে রাজঞ্ছৃতং হবিস্তেন সোমাভি রক্ষ নঃ ।
অরাতীবা মা নস্তারীন্মো চ নঃ কিং চনামমদিন্দ্রায়েন্দো পরি স্রব ॥৪॥