সূক্ত 110

110.1

১২ ত্র্যরুণস্ত্রৈবৃষ্ণঃ,ত্রসদস্যুঃ পৌরুকুত্স্যঃ । পবমানঃ সোমঃ ।১-৩ পিপীলিকমধ্যা অনুষ্টুপ্ , ৪-৯ ঊর্ধ্ববৃহতী,১০-১২ বিরাট্ ।

পর্যূ ষু প্র ধন্ব বাজসাতয়ে পরি বৃত্রাণি সক্ষণিঃ । দ্বিষস্তরধ্যা ঋণয়া ন ঈয়সে ॥১॥

অনু হি ত্বা সুতং সোম মদামসি মহে সমর্যরাজ্যে । বাজাঁ অভি পবমান প্র গাহসে ॥২॥

অজীজনো হি পবমান সূর্যং বিধারে শক্মনা পয়ঃ । গোজীরয়া রংহমাণঃ পুরংধ্যা ॥৩॥

অজীজনো অমৃত মর্ত্যেষ্বাঁ ঋতস্য ধর্মন্নমৃতস্য চারুণঃ । সদাসরো বাজমচ্ছা সনিষ্যদৎ ॥৪॥

অভ্যভি হি শ্রবসা ততর্দিথোত্সং ন কং চিজ্জনপানমক্ষিতম্ । শর্যাভির্ন ভরমাণো গভস্ত্যোঃ ॥৫॥

আদীং কে চিত্পশ্যমানাস আপ্যং বসুরুচো দিব্যা অভ্যনূষত । বারং ন দেবঃ সবিতা ব্যূর্ণুতে ॥৬॥

ত্বে সোম প্রথমা বৃক্তবর্হিষো মহে বাজায় শ্রবসে ধিয়ং দধুঃ । স ত্বং নো বীর বীর্যায় চোদয় ॥৭॥

দিবঃ পীয়ূষং পূর্ব্যং যদুক্থ্যং মহো গাহাদ্দিব আ নিরধুক্ষত । ইন্দ্রমভি জায়মানং সমস্বরন্ ॥৮॥

অধ যদিমে পবমান রোদসী ইমা চ বিশ্বা ভুবনাভি মজ্মনা ।
যূথে ন নিঃষ্ঠা বৃষভো বি তিষ্ঠসে ॥৯॥

সোমঃ পুনানো অব্যয়ে বারে শিশুর্ন ক্রীলন্পবমানো অক্ষাঃ । সহস্রধারঃ শতবাজ ইন্দুঃ ॥১০॥

এষ পুনানো মধুমাঁ ঋতাবেন্দ্রায়েন্দুঃ পবতে স্বাদুরূর্মিঃ । বাজসনির্বরিবোবিদ্বয়োধাঃ ॥১১॥

স পবস্ব সহমানঃ পৃতন্যূন্ত্সেধন্রক্ষাংস্যপ দুর্গহাণি । স্বায়ুধঃ সাসহ্বান্ত্সোম শত্রূন্ ॥১২॥