সূক্ত 111

111.1

৩ অনানতঃ পারুচ্ছেপিঃ । পবমানঃ সোমঃ ।অত্যষ্টিঃ ।

অয়া রুচা হরিণ্যা পুনানো বিশ্বা দ্বেষাংসি তরতি স্বয়ুগ্বভিঃ সূরো ন স্বয়ুগ্বভিঃ ।
ধারা সুতস্য রোচতে পুনানো অরুষো হরিঃ । বিশ্বা যদ্রূপা পরিয়াত্যৃক্বভিঃ সপ্তাস্যেভিৠক্বভিঃ ॥১॥

111.2

ত্বং ত্যত্পণীনাং বিদো বসু সং মাতৃভির্মর্জয়সি স্ব আ দম ঋতস্য ধীতিভির্দমে ।
পরাবতো ন সাম তদ্যত্রা রণন্তি ধীতয়ঃ । ত্রিধাতুভিররুষীভির্বয়ো দধে রোচমানো বয়ো দধে ॥২॥

111.3

পূর্বামনু প্রদিশং যাতি চেকিতত্সং রশ্মিভির্যততে দর্শতো রথো দৈব্যো দর্শতো রথঃ ।
অগ্মন্নুক্থানি পৌংস্যেন্দ্রং জৈত্রায় হর্ষয়ন্ । বজ্রশ্চ যদ্ভবথো অনপচ্যুতা সমত্স্বনপচ্যুতা ॥৩॥