সূক্ত 109

109.1

২২ অগ্নয়ো ধিষ্ণ্যা ঐশ্বরয়ঃ । পবমানঃ সোমঃ ।দ্বিপদা বিরাট্ ।

পরি প্র ধন্বেন্দ্রায় সোম স্বাদুর্মিত্রায় পূষ্ণে ভগায়। ১
ইন্দ্রস্তে সোম সুতস্য পেয়াঃ ক্রত্বে দক্ষায় বিশ্বে চ দেবাঃ ॥১॥

109.2

এবামৃতায় মহে ক্ষয়ায় স শুক্রো অর্ষ দিব্যঃ পীয়ূষঃ। ৩
পবস্ব সোম মহান্ত্সমুদ্রঃ পিতা দেবানাং বিশ্বাভি ধাম ॥২॥

109.3

শুক্রঃ পবস্ব দেবেভ্যঃ সোম দিবে পৃথিব্যৈ শং চ প্রজায়ৈ। ৫
দিবো ধর্তাসি শুক্রঃ পীয়ূষঃ সত্যে বিধর্মন্বাজী পবস্ব ॥৩॥

109.4

পবস্ব সোম দ্যুম্নী সুধারো মহামবীনামনু পূর্ব্যঃ। ৭
নৃভির্যেমানো জজ্ঞানঃ পূতঃ ক্ষরদ্বিশ্বানি মন্দ্রঃ স্বর্বিৎ ॥৪॥

109.5

ইন্দুঃ পুনানঃ প্রজামুরাণঃ করদ্বিশ্বানি দ্রবিণানি নঃ। ৯
পবস্ব সোম ক্রত্বে দক্ষায়াঽশ্বো ন নিক্তো বাজী ধনায় ॥৫॥

109.6

তং তে সোতারো রসং মদায় পুনন্তি সোমং মহে দ্যুম্নায় । ১১
শিশুং জজ্ঞানং হরিং মৃজন্তি পবিত্রে সোমং দেবেভ্য ইন্দুম্ ॥৬॥

109.7

ইন্দুঃ পবিষ্ট চারুর্মদায়াঽপামুপস্থে কবির্ভগায় ১৩
বিভর্তি চার্বিন্দ্রস্য নাম যেন বিশ্বানি বৃত্রা জঘান ॥৭॥

109.8

পিবন্ত্যস্য বিশ্বে দেবাসো গোভিঃ শ্রীতস্য নৃভিঃ সুতস্য । ১৫
প্র সুবানো অক্ষাঃ সহস্রধারস্তিরঃ পবিত্রং বি বারমব্যম্ ॥৮॥

109.9

স বাজ্যক্ষাঃ সহস্ররেতা অদ্ভির্মৃজানো গোভিঃ শ্রীণানঃ । ১৭
প্র সোম যাহীন্দ্রস্য কুক্ষা নৃভির্যেমানো অদ্রিভিঃ সুতঃ ॥৯॥

109.10

অসর্জি বাজী তিরঃ পবিত্রমিন্দ্রায় সোমঃ সহস্রধারঃ । ১৯
অঞ্জন্ত্যেনং মধ্বো রসেনেন্দ্রায় বৃষ্ণ ইন্দুং মদায় ॥১০॥

109.11

দেবেভ্যস্ত্বা বৃথা পাজসেঽপো বসানং হরিং মৃজন্তি । ২১
ইন্দুরিন্দ্রায় তোশতে নি তোশতে শ্রীণন্নুগ্রো রিণন্নপঃ ॥১১॥