Utshovসূক্ত 10
10.1
৯ কাশ্যপোঽসিতো দেবলো বা । পবমানঃ সোমঃ । গায়ত্রী ।
প্র স্বানাসো রথা ইবাঽর্বন্তো ন শ্রবস্যবঃ । সোমাসো রায়ে অক্রমুঃ ॥১॥
10.2
হিন্বানাসো রথা ইব দধন্বিরে গভস্ত্যোঃ । ভরাসঃ কারিণামিব ॥২॥
10.3
রাজানো ন প্রশস্তিভিঃ সোমাসো গোভিরঞ্জতে । যজ্ঞো ন সপ্ত ধাতৃভিঃ ॥৩॥
10.4
পরি সুবানাস ইন্দবো মদায় বর্হণা গিরা । সুতা অর্ষন্তি ধারয়া ॥৪॥
10.5
আপানাসো বিবস্বতো জনন্ত উষসো ভগম্ । সূরা অণ্বং বি তন্বতে ॥৫॥
10.6
অপ দ্বারা মতীনাং প্রত্না ঋণ্বন্তি কারবঃ । বৃষ্ণো হরস আয়বঃ ॥৬॥
10.7
সমীচীনাস আসতে হোতারঃ সপ্তজাময়ঃ । পদমেকস্য পিপ্রতঃ ॥৭॥
10.8
নাভা নাভিং ন আ দদে চক্ষুশ্চিত্সূর্যে সচা । কবেরপত্যমা দুহে ॥৮॥
10.9
অভি প্রিয়া দিবস্পদমধ্বর্যুভির্গুহা হিতম্ । সূরঃ পশ্যতি চক্ষসা ॥৯॥