সূক্ত 11

11.1

৯ কাশ্যপোঽসিতো দেবলো বা । পবমানঃ সোমঃ । গায়ত্রী ।

উপাস্মৈ গায়তা নরঃ পবমানায়েন্দবে । অভি দেবাঁ ইয়ক্ষতে ॥১॥

11.2

অভি তে মধুনা পয়োঽথর্বাণো অশিশ্রয়ুঃ । দেবং দেবায় দেবয়ু ॥২॥

11.3

স নঃ পবস্ব শং গবে শং জনায় শমর্বতে । শং রাজন্নোষধীভ্যঃ ॥৩॥

11.4

বভ্রবে নু স্বতবসেঽরুণায় দিবিস্পৃশে । সোমায় গাথমর্চত ॥৪॥

11.5

হস্তচ্যুতেভিরদ্রিভিঃ সুতং সোমং পুনীতন । মধাবা ধাবতা মধু ॥৫॥

11.6

নমসেদুপ সীদত দধ্নেদভি শ্রীণীতন । ইন্দুমিন্দ্রে দধাতন ॥৬॥

11.7

অমিত্রহা বিচর্ষণিঃ পবস্ব সোম শং গবে । দেবেভ্যো অনুকামকৃৎ ॥৭॥

11.8

ইন্দ্রায় সোম পাতবে মদায় পরি ষিচ্যসে । মনশ্চিন্মনসস্পতিঃ ॥৮॥

11.9

পবমান সুবীর্যং রয়িং সোম রিরীহি নঃ । ইন্দবিন্দ্রেণ নো যুজা ॥৯॥