সূক্ত 12

12.1

৯ কাশ্যপোঽসিতো দেবলো বা । পবমানঃ সোমঃ । গায়ত্রী ।

সোমা অসৃগ্রমিন্দবঃ সুতা ঋতস্য সাদনে । ইন্দ্রায় মধুমত্তমাঃ ॥১॥

12.2

অভি বিপ্রা অনূষত গাবো বত্সং ন মাতরঃ । ইন্দ্রং সোমস্য পীতয়ে ॥২॥

12.3

মদচ্যুত্ক্ষেতি সাদনে সিন্ধোরূর্মা বিপশ্চিৎ । সোমো গৌরী অধি শ্রিতঃ ॥৩॥

12.4

দিবো নাভা বিচক্ষণোঽব্যো বারে মহীয়তে । সোমো যঃ সুক্রতুঃ কবিঃ ॥৪॥

12.5

যঃ সোমঃ কলশেষ্বাঁ অন্তঃ পবিত্র আহিতঃ । তমিন্দুঃ পরি ষস্বজে ॥৫॥

12.6

প্র বাচমিন্দুরিষ্যতি সমুদ্রস্যাধি বিষ্টপি । জিন্বন্কোশং মধুশ্চুতম্ ॥৬॥

12.7

নিত্যস্তোত্রো বনস্পতির্ধীনামন্তঃ সবর্দুঘঃ । হিন্বানো মানুষা যুগা ॥৭॥

12.8

অভি প্রিয়া দিবস্পদা সোমো হিন্বানো অর্ষতি । বিপ্রস্য ধারয়া কবিঃ ॥৮॥

12.9

আ পবমান ধারয় রয়িং সহস্রবর্চসম্ । অস্মে ইন্দো স্বাভুবম্ ॥৯॥