সূক্ত 94

94.1

১২ বিন্দুঃ পূতদক্ষো বা আঙ্গিরসঃ । মরুতঃ । গায়ত্রী ।

গৌর্ধয়তি মরুতাং শ্রবস্যুর্মাতা মঘোনাম্ । যুক্তা বহ্নী রথানাম্ ॥১॥

যস্যা দেবা উপস্থে ব্রতা বিশ্বে ধারয়ন্তে । সূর্যামাসা দৃশে কম্ ॥২॥

তত্সু নো বিশ্বে অর্য আ সদা গৃণন্তি কারবঃ । মরুতঃ সোমপীতয়ে ॥৩॥

অস্তি সোমো অয়ং সুতঃ পিবন্ত্যস্য মরুতঃ । উত স্বরাজো অশ্বিনা ॥৪॥

পিবন্তি মিত্রো অর্যমা তনা পূতস্য বরুণঃ । ত্রিষধস্থস্য জাবতঃ ॥৫॥

উতো ন্বস্য জোষমাঁ ইন্দ্রঃ সুতস্য গোমতঃ । প্রাতর্হোতেব মত্সতি ॥৬॥

কদত্বিষন্ত সূরয়স্তির আপ ইব স্রিধঃ । অর্ষন্তি পূতদক্ষসঃ ॥৭॥

কদ্বো অদ্য মহানাং দেবানামবো বৃণে । ত্মনা চ দস্মবর্চসাম্ ॥৮॥

আ যে বিশ্বা পার্থিবানি পপ্রথন্রোচনা দিবঃ । মরুতঃ সোমপীতয়ে ॥৯॥

ত্যান্নু পূতদক্ষসো দিবো বো মরুতো হুবে । অস্য সোমস্য পীতয়ে ॥১০॥

ত্যান্নু যে বি রোদসী তস্তভুর্মরুতো হুবে । অস্য সোমস্য পীতয়ে ॥১১॥

ত্যং নু মারুতং গণং গিরিষ্ঠাং বৃষণং হুবে । অস্য সোমস্য পীতয়ে ॥১২॥