সূক্ত 95

95.1

৯ তিরশ্চীরাঙ্গিরসঃ । ইন্দ্রঃ । অনুষ্টুপ্ ।

আ ত্বা গিরো রথীরিবাঽস্থুঃ সুতেষু গির্বণঃ । অভি ত্বা সমনূষতেন্দ্র বত্সং ন মাতরঃ ॥১॥

95.2

আ ত্বা শুক্রা অচুচ্যবুঃ সুতাস ইন্দ্র গির্বণঃ । পিবা ত্ব১স্যান্ধস ইন্দ্র বিশ্বাসু তে হিতম্ ॥২॥

95.3

পিবা সোমং মদায় কমিন্দ্র শ্যেনাভৃতং সুতম্ । ত্বং হি শশ্বতীনাং পতী রাজা বিশামসি ॥৩॥

95.4

শ্রুধী হবং তিরশ্চ্যা ইন্দ্র যস্ত্বা সপর্যতি । সুবীর্যস্য গোমতো রায়স্পূর্ধি মহাঁ অসি ॥৪॥

95.5

ইন্দ্র যস্তে নবীয়সীং গিরং মন্দ্রামজীজনৎ । চিকিত্বিন্মনসং ধিয়ং প্রত্নামৃতস্য পিপ্যুষীম্ ॥৫॥

95.6

তমু ষ্টবাম যং গির ইন্দ্রমুক্থানি বাবৃধুঃ । পুরূণ্যস্য পৌংস্যা সিষাসন্তো বনামহে ॥৬॥

95.7

এতো ন্বিন্দ্রং স্তবাম শুদ্ধং শুদ্ধেন সাম্না । শুদ্ধৈরুক্থৈর্বাবৃধ্বাংসং শুদ্ধ আশীর্বান্মমত্তু ॥৭॥

95.8

ইন্দ্র শুদ্ধো ন আ গহি শুদ্ধঃ শুদ্ধাভিরূতিভিঃ । শুদ্ধো রয়িং নি ধারয় শুদ্ধো মমদ্ধি সোম্যঃ ॥৮॥

95.9

ইন্দ্র শুদ্ধো হি নো রয়িং শুদ্ধো রত্নানি দাশুষে । শুদ্ধো বৃত্রাণি জিঘ্নসে শুদ্ধো বাজং সিষাসসি ॥৯॥