সূক্ত 91

91.1

৭ আত্রেয়ী অপালা । ইন্দ্রঃ । অনুষ্টুপ্ , ১-২ পংক্তিঃ ।

কন্যা৩ বারবায়তী সোমমপি স্রুতাবিদৎ । অস্তং ভরন্ত্যব্রবীদিন্দ্রায় সুনবৈ ত্বা শক্রায় সুনবৈ ত্বা ॥১॥

91.2

অসৌ য এষি বীরকো গৃহংগৃহং বিচাকশদ্ । ইমং জম্ভসুতং পিব ধানাবন্তং করম্ভিণমপূপবন্তমুক্থিনম্ ॥২॥

91.3

আ চন ত্বা চিকিত্সামোঽধি চন ত্বা নেমসি । শনৈরিব শনকৈরিবেন্দ্রায়েন্দো পরি স্রব ॥৩॥

91.4

কুবিচ্ছকত্কুবিত্করত্কুবিন্নো বস্যসস্করৎ । কুবিত্পতিদ্বিষো যতীরিন্দ্রেণ সংগমামহৈ ॥৪॥

91.5

ইমানি ত্রীণি বিষ্টপা তানীন্দ্র বি রোহয় । শিরস্ততস্যোর্বরামাদিদং ম উপোদরে ॥৫॥

91.6

অসৌ চ যা ন উর্বরাদিমাং তন্বং১ মম । অথো ততস্য যচ্ছিরঃ সর্বা তা রোমশা কৃধি ॥৬॥

91.7

খে রথস্য খেঽনসঃ খে যুগস্য শতক্রতো । অপালামিন্দ্র ত্রিষ্পূত্ব্যকৃণোঃ সূর্যত্বচম্ ॥৭॥