সূক্ত 90

90.1

৬ নৃমেধ-পুরুমেধাবাঙ্গিরসৌ । ইন্দ্রঃ । ১-৪ প্রগাথঃ = ( বিষমা বৃহতী, সমা সতোবৃহতী ) ।

আ নো বিশ্বাসু হব্য ইন্দ্রঃ সমত্সু ভূষতু । উপ ব্রহ্মাণি সবনানি বৃত্রহা পরমজ্যা ঋচীষমঃ ॥১॥

90.2

ত্বং দাতা প্রথমো রাধসামস্যসি সত্য ঈশানকৃৎ । তুবিদ্যুম্নস্য যুজ্যা বৃণীমহে পুত্রস্য শবসো মহঃ ॥২॥

90.3

ব্রহ্মা ত ইন্দ্র গির্বণঃ ক্রিয়ন্তে অনতিদ্ভুতা । ইমা জুষস্ব হর্যশ্ব যোজনেন্দ্র যা তে অমন্মহি ॥৩॥

90.4

ত্বং হি সত্যো মঘবন্ননানতো বৃত্রা ভূরি ন্যৃঞ্জসে । স ত্বং শবিষ্ঠ বজ্রহস্ত দাশুষেঽর্বাঞ্চং রয়িমা কৃধি ॥৪॥

90.5

ত্বমিন্দ্র যশা অস্যৃজীষী শবসস্পতে । ত্বং বৃত্রাণি হংস্যপ্রতীন্যেক ইদনুত্তা চর্ষণীধৃতা ॥৫॥

90.6

তমু ত্বা নূনমসুর প্রচেতসং রাধো ভাগমিবেমহে । মহীব কৃত্তিঃ শরণা ত ইন্দ্র প্র তে সুম্না নো অশ্নবন্ ॥৬॥