সূক্ত 87

87.1

৬ কৃষ্ণ আঙ্গিরসো, বাসিষ্ঠো বা দ্যুম্নীকঃ, প্রিয়মেধ আঙ্গিরসো বা।অশ্বিনৌ । প্রগাথঃ = ( বিষমা বৃহতী, সমা সতোবৃহতী ) ।

দ্যুম্নী বাং স্তোমো অশ্বিনা ক্রিবির্ন সেক আ গতম্ । মধ্বঃ সুতস্য স দিবি প্রিয়ো নরা পাতং গৌরাবিবেরিণে ॥১॥

87.2

পিবতং ঘর্মং মধুমন্তমশ্বিনা ঽঽবর্হিঃ সীদতং নরা । তা মন্দসানা মনুষো দুরোণ আ নি পাতং বেদসা বয়ঃ ॥২॥

87.3

আ বাং বিশ্বাভিরূতিভিঃ প্রিয়মেধা অহূষত । তা বর্তির্যাতমুপ বৃক্তবর্হিষো জুষ্টং যজ্ঞং দিবিষ্টিষু ॥৩॥

87.4

পিবতং সোমং মধুমন্তমশ্বিনা ঽঽবর্হিঃ সীদতং সুমৎ ।
তা বাবৃধানা উপ সুষ্টুতিং দিবো গন্তং গৌরাবিবেরিণম্ ॥৪॥

87.5

আ নূনং যাতমশ্বিনাঽশ্বেভিঃ প্রুষিতপ্সুভিঃ । দস্রা হিরণ্যবর্তনী শুভস্পতী পাতং সোমমৃতাবৃধা ॥৫॥

87.6

বয়ং হি বাং হবামহে বিপন্যবো বিপ্রাসো বাজসাতয়ে । তা বল্গূ দস্রা পুরুদংসসা ধিয়াঽশ্বিনা শ্রুষ্ট্যা গতম্ ॥৬॥