সূক্ত 88

88.1

৬ নোধা গৌতমঃ । ইন্দ্রঃ । প্রগাথঃ = ( বিষমা বৃহতী, সমা সতোবৃহতী ) ।

তং বো দস্মমৃতীষহং বসোর্মন্দানমন্ধসঃ । অভি বত্সং ন স্বসরেষু ধেনব ইন্দ্রং গীর্ভির্নবামহে ॥১॥

88.2

দ্যুক্ষং সুদানুং তবিষীভিরাবৃতং গিরিং ন পুরুভোজসম্ । ক্ষুমন্তং বাজং শতিনং সহস্রিণং মক্ষূ গোমন্তমীমহে ॥২॥

88.3

ন ত্বা বৃহন্তো অদ্রয়ো বরন্ত ইন্দ্র বীলবঃ । যদ্দিত্সসি স্তুবতে মাবতে বসু নকিষ্টদা মিনাতি তে ॥৩॥

88.4

যোদ্ধাসি ক্রত্বা শবসোত দংসনা বিশ্বা জাতাভি মজ্মনা ।
আ ত্বায়মর্ক ঊতয়ে ববর্ততি যং গোতমা অজীজনন্ ॥৪॥

88.5

প্র হি রিরিক্ষ ওজসা দিবো অন্তেভ্যস্পরি । ন ত্বা বিব্যাচ রজ ইন্দ্র পার্থিবমনু স্বধাং ববক্ষিথ ॥৫॥

88.6

নকিঃ পরিষ্টির্মঘবন্মঘস্য তে যদ্দাশুষে দশস্যসি । অস্মাকং বোধ্যুচথস্য চোদিতা মংহিষ্ঠো বাজসাতয়ে ॥৬॥