সূক্ত 86

86.1

৫ কৃষ্ণ আঙ্গিরসঃ, বিশ্বকো বা কার্ষি্ণঃ। অশ্বিনৌ । জগতী ।

উভা হি দস্রা ভিষজা ময়োভুবোভা দক্ষস্য বচসো বভূবথুঃ ।
তা বাং বিশ্বকো হবতে তনূকৃথে মা নো বি যৌষ্টং সখ্যা মুমোচতম্ ॥১॥

86.2

কথা নূনং বাং বিমনা উপ স্তবদ্যুবং ধিয়ং দদথুর্বস্যইষ্টয়ে ।
তা বাং বিশ্বকো হবতে তনূকৃথে মা নো বি যৌষ্টং সখ্যা মুমোচতম্ ॥২॥

86.3

যুবং হি ষ্মা পুরুভুজেমমেধতুং বিষ্ণাপ্বে দদথুর্বস্যইষ্টয়ে ।
তা বাং বিশ্বকো হবতে তনূকৃথে মা নো বি যৌষ্টং সখ্যা মুমোচতম্ ॥৩॥

86.4

উত ত্যং বীরং ধনসামৃজীষিণং দূরে চিত্সন্তমবসে হবামহে ।
যস্য স্বাদিষ্ঠা সুমতিঃ পিতুর্যথা মা নো বি যৌষ্টং সখ্যা মুমোচতম্ ॥৪॥

86.5

ঋতেন দেবঃ সবিতা শমায়ত ঋতস্য শৃঙ্গমুর্বিয়া বি পপ্রথে ।
ঋতং সাসাহ মহি চিত্পৃতন্যতো মা নো বি যৌষ্টং সখ্যা মুমোচতম্ ॥৫॥