সূক্ত 85

85.1

৯ কৃষ্ণ আঙ্গিরসঃ । অশ্বিনৌ ।গায়ত্রী ।

আ মে হবং নাসত্যাঽশ্বিনা গচ্ছতং যুবম্ । মধ্বঃ সোমস্য পীতয়ে ॥১॥

85.2

ইমং মে স্তোমমশ্বিনেমং মে শৃণুতং হবম্ । মধ্বঃ সোমস্য পীতয়ে ॥২॥

85.3

অয়ং বাং কৃষ্ণো অশ্বিনা হবতে বাজিনীবসূ । মধ্বঃ সোমস্য পীতয়ে ॥৩॥

85.4

শৃণুতং জরিতুর্হবং কৃষ্ণস্য স্তুবতো নরা । মধ্বঃ সোমস্য পীতয়ে ॥৪॥

85.5

ছর্দির্যন্তমদাভ্যং বিপ্রায় স্তুবতে নরা । মধ্বঃ সোমস্য পীতয়ে ॥৫॥

85.6

গচ্ছতং দাশুষো গৃহমিত্থা স্তুবতো অশ্বিনা । মধ্বঃ সোমস্য পীতয়ে ॥৬॥

85.7

যুঞ্জাথাং রাসভং রথে বীড্বঙ্গে বৃষণ্বসূ । মধ্বঃ সোমস্য পীতয়ে ॥৭॥

85.8

ত্রিবন্ধুরেণ ত্রিবৃতা রথেনা যাতমশ্বিনা । মধ্বঃ সোমস্য পীতয়ে ॥৮॥

85.9

নূ মে গিরো নাসত্যাঽশ্বিনা প্রাবতং যুবম্ । মধ্বঃ সোমস্য পীতয়ে ॥৯॥