সূক্ত 84

84.1

৯ উশনা কাব্যঃ । অগ্নিঃ ।গায়ত্রী ।

প্রেষ্ঠং বো অতিথিং স্তুষে মিত্রমিব প্রিয়ম্ । অগ্নিং রথং ন বেদ্যম্ ॥১॥

কবিমিব প্রচেতসং যং দেবাসো অধ দ্বিতা । নি মর্ত্যেষ্বাদধুঃ ॥২॥

ত্বং যবিষ্ঠ দাশুষো নৄঁঃ পাহি শৃণুধী গিরঃ । রক্ষা তোকমুত ত্মনা ॥৩॥

কয়া তে অগ্নে অঙ্গির ঊর্জো নপাদুপস্তুতিম্ । বরায় দেব মন্যবে ॥৪॥

দাশেম কস্য মনসা যজ্ঞস্য সহসো যহো । কদু বোচ ইদং নমঃ ॥৫॥

অধা ত্বং হি নস্করো বিশ্বা অস্মভ্যং সুক্ষিতীঃ । বাজদ্রবিণসো গিরঃ ॥৬॥

কস্য নূনং পরীণসো ধিয়ো জিন্বসি দম্পতে । গোষাতা যস্য তে গিরঃ ॥৭॥

তং মর্জয়ন্ত সুক্রতুং পুরোয়াবানমাজিষু । স্বেষু ক্ষয়েষু বাজিনম্ ॥৮॥

ক্ষেতি ক্ষেমেভিঃ সাধুভির্নকির্যং ঘ্নন্তি হন্তি যঃ । অগ্নে সুবীর এধতে ॥৯॥