সূক্ত 83

83.1

৯ কুসীদী কাণ্বঃ। বিশ্বে দেবাঃ । গায়ত্রী ।

দেবানামিদবো মহত্তদা বৃণীমহে বয়ম্ । বৃষ্ণামস্মভ্যমূতয়ে ॥১॥

83.2

তে নঃ সন্তু যুজঃ সদা বরুণো মিত্রো অর্যমা । বৃধাসশ্চ প্রচেতসঃ ॥২॥

83.3

অতি নো বিষ্পিতা পুরু নৌভিরপো ন পর্ষথ । যূয়মৃতস্য রথ্যঃ ॥৩॥

83.4

বামং নো অস্ত্বর্যমন্বামং বরুণ শংস্যম্ । বামং হ্যাবৃণীমহে ॥৪॥

83.5

বামস্য হি প্রচেতস ঈশানাশো রিশাদসঃ । নেমাদিত্যা অঘস্য যৎ ॥৫॥

83.6

বয়মিদ্বঃ সুদানবঃ ক্ষিয়ন্তো যান্তো অধ্বন্না । দেবা বৃধায় হূমহে ॥৬॥

83.7

অধি ন ইন্দ্রৈষাং বিষ্ণো সজাত্যানাম্ । ইতা মরুতো অশ্বিনা ॥৭॥

83.8

প্র ভ্রাতৃত্বং সুদানবোঽধ দ্বিতা সমান্যা । মাতুর্গর্ভে ভরামহে ॥৮॥

83.9

যূয়ং হি ষ্ঠা সুদানব ইন্দ্রজ্যেষ্ঠা অভিদ্যবঃ । অধা চিদ্ব উত ব্রুবে ॥৯॥