সূক্ত 81

81.1

৯ কুসীদী কাণ্বঃ। ইন্দ্রঃ । গায়ত্রী ।

আ তূ ন ইন্দ্র ক্ষুমন্তং চিত্রং গ্রাভং সং গৃভায় । মহাহস্তী দক্ষিণেন ॥১॥

81.2

বিদ্মা হি ত্বা তুবিকূর্মিং তুবিদেষ্ণং তুবীমঘম্ । তুবিমাত্রমবোভিঃ ॥২॥

81.3

নহি ত্বা শূর দেবা ন মর্তাসো দিত্সন্তম্ । ভীমং ন গাং বারয়ন্তে ॥৩॥

81.4

এতো ন্বিন্দ্রং স্তবামেশানং বস্বঃ স্বরাজম্ । ন রাধসা মর্ধিষন্নঃ ॥৪॥

81.5

প্র স্তোষদুপ গাসিষচ্ছ্রবত্সাম গীয়মানম্ । অভি রাধসা জুগুরৎ ॥৫॥

81.6

আ নো ভর দক্ষিণেনাঽভি সব্যেন প্র মৃশ । ইন্দ্র মা নো বসোর্নির্ভাক্ ॥৬॥

81.7

উপ ক্রমস্বা ভর ধৃষতা ধৃষ্ণো জনানাম্ । অদাশূষ্টরস্য বেদঃ ॥৭॥

81.8

ইন্দ্র য উ নু তে অস্তি বাজো বিপ্রেভিঃ সনিত্বঃ । অস্মাভিঃ সু তং সনুহি ॥৮॥

81.9

সদ্যোজুবস্তে বাজা অস্মভ্যং বিশ্বশ্চন্দ্রাঃ । বশৈশ্চ মক্ষূ জরন্তে ॥১৩॥