সূক্ত 80

80.1

১০ একদ্যূর্নৌধসঃ । ইন্দ্রঃ, ১০ দেবাঃ । গায়ত্রী, ১০ ত্রিষ্টুপ্ ।

নহ্য১ন্যং বলাকরং মর্ডিতারং শতক্রতো । ত্বং ন ইন্দ্র মৃলয় ॥১॥

80.2

যো নঃ শশ্বত্পুরাবিথাঽমৃধ্রো বাজসাতয়ে । স ত্বং ন ইন্দ্র মৃলয় ॥২॥

80.3

কিমঙ্গ রধ্রচোদনঃ সুন্বানস্যাবিতেদসি । কুবিত্স্বিন্দ্র ণঃ শকঃ ॥৩॥

80.4

ইন্দ্র প্র ণো রথমব পশ্চাচ্চিত্সন্তমদ্রিবঃ । পুরস্তাদেনং মে কৃধি ॥৪॥

80.5

হন্তো নু কিমাসসে প্রথমং নো রথং কৃধি । উপমং বাজয়ু শ্রবঃ ॥৫॥

80.6

অবা নো বাজয়ুং রথং সুকরং তে কিমিত্পরি । অস্মান্ত্সু জিগ্যুষস্কৃধি ॥৬॥

80.7

ইন্দ্র দৃহ্যস্ব পূরসি ভদ্রা ত এতি নিষ্কৃতম্ । ইয়ং ধীৠত্বিয়াবতী ॥৭॥

80.8

মা সীমবদ্য আ ভাগুর্বী কাষ্ঠা হিতং ধনম্ । অপাবৃক্তা অরত্নয়ঃ ॥৮॥

80.9

তুরীয়ং নাম যজ্ঞিয়ং যদা করস্তদুশ্মসি । আদিত্পতির্ন ওহসে ॥৯॥

80.10

অবীবৃধদ্বো অমৃতা অমন্দীদেকদ্যূর্দেবা উত যাশ্চ দেবীঃ ।
তস্মা উ রাধঃ কৃণুত প্রশস্তং প্রাতর্মক্ষূ ধিয়াবসুর্জগম্যাৎ ॥১০॥