সূক্ত 79

79.1

৯ কৃত্নুর্ভার্গবঃ । সোমঃ ।গায়ত্রী , ৯ অনুষ্টুপ্ ।

অয়ং কৃত্নুরগৃভীতো বিশ্বজিদুদ্ভিদিত্সোমঃ । ঋষির্বিপ্রঃ কাব্যেন ॥১॥

অভ্যূর্ণোতি যন্নগ্নং ভিষক্তি বিশ্বং যত্তুরম্ । প্রেমন্ধঃ খ্যন্নিঃ শ্রোণো ভূৎ ॥২॥

ত্বং সোম তনূকৃদ্ভ্যো দ্বেষোভ্যোঽন্যকৃতেভ্যঃ । উরু যন্তাসি বরূথম্ ॥৩॥

ত্বং চিত্তী তব দক্ষৈর্দিব আ পৃথিব্যা ঋজীষিন্ । যাবীরঘস্য চিদ্দ্বেষঃ ॥৪॥

অর্থিনো যন্তি চেদর্থং গচ্ছানিদ্দদুষো রাতিম্ । ববৃজ্যুস্তৃষ্যতঃ কামম্ ॥৫॥

বিদদ্যত্পূর্ব্যং নষ্টমুদীমৃতায়ুমীরয়ৎ । প্রেমায়ুস্তারীদতীর্ণম্ ॥৬॥

সুশেবো নো মৃলয়াকুরদৃপ্তক্রতুরবাতঃ । ভবা নঃ সোম শং হৃদে ॥৭॥

মা নঃ সোম সং বীবিজো মা বি বীভিষথা রাজন্ । মা নো হার্দি ত্বিষা বধীঃ ॥৮॥

অব যত্স্বে সধস্থে দেবানাং দুর্মতীরীক্ষে । রাজন্নপ দ্বিষঃ সেধ মীঢ্বো অপ স্রিধঃ সেধ ॥৯॥