সূক্ত 78

78.1

১০ কুরুসুতিঃ কাণ্বঃ। ইন্দ্রঃ ।গায়ত্রী, ১০ বৃহতী ।

পুরোলাশং নো অন্ধস ইন্দ্র সহস্রমা ভর । শতা চ শূর গোনাম্ ॥১॥

78.2

আ নো ভর ব্যঞ্জনং গামশ্বমভ্যঞ্জনম্ । সচা মনা হিরণ্যয়া ॥২॥

78.3

উত নঃ কর্ণশোভনা পুরূণি ধৃষ্ণবা ভর । ত্বং হি শৃণ্বিষে বসো ॥৩॥

78.4

নকীং বৃধীক ইন্দ্র তে ন সুষা ন সুদা উত । নান্যস্ত্বচ্ছূর বাঘতঃ ॥৪॥

78.5

নকীমিন্দ্রো নিকর্তবে ন শক্রঃ পরিশক্তবে । বিশ্বং শৃণোতি পশ্যতি ॥৫॥

78.6

স মন্যুং মর্ত্যানামদব্ধো নি চিকীষতে । পুরা নিদশ্চিকীষতে ॥৬॥

78.7

ক্রত্ব ইত্পূর্ণমুদরং তুরস্যাস্তি বিধতঃ । বৃত্রঘ্নঃ সোমপাব্নঃ ॥৭॥

78.8

ত্বে বসূনি সংগতা বিশ্বা চ সোম সৌভগা । সুদাত্বপরিহ্বৃতা ॥৮॥

78.9

ত্বামিদ্যবয়ুর্মম কামো গব্যুর্হিরণ্যয়ুঃ । ত্বামশ্বয়ুরেষতে ॥৯॥

78.10

তবেদিন্দ্রাহমাশসা হস্তে দাত্রং চনা দদে । দিনস্য বা মঘবন্ত্সম্ভৃতস্য বা পূর্ধি যবস্য কাশিনা ॥১০॥