সূক্ত 70

70.1

১৫ পুরুহন্মা আঙ্গিরসঃ । ইন্দ্রঃ । বৃহতী ; ১-৬ প্রগাথঃ = ( বিষমা বৃহতী, সমা সতোবৃহতী ) ১২ শংকুমতী, ১৩ উষ্ণিক্ , ১৪ অনুষ্টুপ্ , ১৫ পুরউষ্ণিক্ ।

যো রাজা চর্ষণীনাং যাতা রথেভিরধ্রিগুঃ । বিশ্বাসাং তরুতা পৃতনানাং জ্যেষ্ঠো যো বৃত্রহা গৃণে ॥১॥

ইন্দ্রং তং শুম্ভ পুরুহন্মন্নবসে যস্য দ্বিতা বিধর্তরি । হস্তায় বজ্রঃ প্রতি ধায়ি দর্শতো মহো দিবে ন সূর্যঃ ॥২॥

নকিষ্টং কর্মণা নশদ্যশ্চকার সদাবৃধম্ । ইন্দ্রং ন যজ্ঞৈর্বিশ্বগূর্তমৃভ্বসমধৃষ্টং ধৃষ্ণ্বোজসম্ ॥৩॥

অষাল্হমুগ্রং পৃতনাসু সাসহিং যস্মিন্মহীরুরুজ্রয়ঃ । সং ধেনবো জায়মানে অনোনবুর্দ্যাবঃ ক্ষামো অনোনবুঃ ॥৪॥

যদ্দ্যাব ইন্দ্র তে শতং শতং ভূমীরুত স্যুঃ । ন ত্বা বজ্রিন্ত্সহস্রং সূর্যা অনু ন জাতমষ্ট রোদসী ॥৫॥

আ পপ্রাথ মহিনা বৃষ্ণ্যা বৃষন্বিশ্বা শবিষ্ঠ শবসা । অস্মাঁ অব মঘবন্গোমতি ব্রজে বজ্রিঞ্চিত্রাভিরূতিভিঃ ॥৬॥

ন সীমদেব আপদিষং দীর্ঘায়ো মর্ত্যঃ । এতগ্বা চিদ্য এতশা যুয়োজতে হরী ইন্দ্রো যুয়োজতে ॥৭॥

তং বো মহো মহায্যমিন্দ্রং দানায় সক্ষণিম্ । যো গাধেষু য আরণেষু হব্যো বাজেষ্বস্তি হব্যঃ ॥৮॥

উদূ ষু ণো বসো মহে মৃশস্ব শূর রাধসে । উদূ ষু মহ্যৈ মঘবন্মঘত্তয় উদিন্দ্র শ্রবসে মহে ॥৯॥

ত্বং ন ইন্দ্র ঋতয়ুস্ত্বানিদো নি তৃম্পসি । মধ্যে বসিষ্ব তুবিনৃম্ণোর্বোর্নি দাসং শিশ্নথো হথৈঃ ॥১০॥

অন্যব্রতমমানুষময়জ্বানমদেবয়ুম্ । অব স্বঃ সখা দুধুবীত পর্বতঃ সুঘ্নায় দস্যুং পর্বতঃ ॥১১॥

ত্বং ন ইন্দ্রাসাং হস্তে শবিষ্ঠ দাবনে । ধানানাং ন সং গৃভায়াস্ময়ুর্দ্বিঃ সং গৃভায়াস্ময়ুঃ ॥১২॥

সখায়ঃ ক্রতুমিচ্ছত কথা রাধাম শরস্য । উপস্তুতিং ভোজঃ সূরির্যো অহ্রয়ঃ ॥১৩॥

ভূরিভিঃ সমহ ঋষিভির্বর্হিষ্মদ্ভিঃ স্তবিষ্যসে । যদিত্থমেকমেকমিচ্ছর বত্সান্পরাদদঃ ॥১৪॥

কর্ণগৃহ্যা মঘবা শৌরদেব্যো বত্সং নস্ত্রিভ্য আনয়ৎ । অজাং সূরির্ন ধাতবে ॥১৫॥