সূক্ত 65

65.1

1-12 ১২ প্রগাথঃ কাণ্বঃ। ইন্দ্রঃ । গায়ত্রী ।

যদিন্দ্র প্রাগপাগুদঙ্ন্যগ্বা হূয়সে নৃভিঃ । আ যাহি তূয়মাশুভিঃ ॥১॥

যদ্বা প্রস্রবণে দিবো মাদয়াসে স্বর্ণরে । যদ্বা সমুদ্রে অন্ধসঃ ॥২॥

আ ত্বা গীর্ভির্মহামুরুং হুবে গামিব ভোজসে । ইন্দ্র সোমস্য পীতয়ে ॥৩॥

আ ত ইন্দ্র মহিমানং হরয়ো দেব তে মহঃ । রথে বহন্তু বিভ্রতঃ ॥৪॥

ইন্দ্র গৃণীষ উ স্তুষে মহাঁ উগ্র ঈশানকৃৎ । এহি নঃ সুতং পিব ॥৫॥

সুতাবন্তস্ত্বা বয়ং প্রয়স্বন্তো হবামহে । ইদং নো বর্হিরাসদে ॥৬॥

যচ্চিদ্ধি শশ্বতামসীন্দ্র সাধারণস্ত্বম্ । তং ত্বা বয়ং হবামহে ॥৭॥

ইদং তে সোম্যং মধ্বধুক্ষন্নদ্রিভির্নরঃ । জুষাণ ইন্দ্র তত্পিব ॥৮॥

বিশ্বাঁ অর্যো বিপশ্চিতোঽতি খ্যস্তূয়মা গহি । অস্মে ধেহি শ্রবো বৃহৎ ॥৯॥

দাতা মে পৃষতীনাং রাজা হিরণ্যবীনাম্ । মা দেবা মঘবা রিষৎ ॥১০॥

সহস্রে পৃষতীনামধি শ্চন্দ্রং বৃহত্পৃথু । শুক্রং হিরণ্যমা দদে ॥১১॥

নপাতো দুর্গহস্য মে সহস্রেণ সুরাধসঃ । শ্রবো দেবেষ্বক্রত ॥১২॥