সূক্ত 67

67.1

১৫ কলিঃ প্রাগাথঃ । ইন্দ্রঃ । প্রগাথঃ= ( বিষমা বৃহতী, সমা সতোবৃহতী ), ১৫ অনুষ্টুপ্ ।

তরোভির্বো বিদদ্বসুমিন্দ্রং সবাধ ঊতয়ে । বৃহদ্গায়ন্তঃ সুতসোমে অধ্বরে হুবে ভরং ন কারিণম্ ॥১॥

67.2

ন যং দুধ্রা বরন্তে ন স্থিরা মুরো মদে সুশিপ্রমন্ধসঃ ।
য আদৃত্যা শশমানায় সুন্বতে দাতা জরিত্র উক্থ্যম্ ॥২॥

67.3

যঃ শক্রো মৃক্ষো অশ্ব্যো যো বা কীজো হিরণ্যয়ঃ । স ঊর্বস্য রেজয়ত্যপাবৃতিমিন্দ্রো গব্যস্য বৃত্রহা ॥৩॥

67.4

নিখাতং চিদ্যঃ পুরুসম্ভৃতং বসূদিদ্বপতি দাশুষে । বজ্রী সুশিপ্রো হর্যশ্ব ইত্করদিন্দ্রঃ ক্রত্বা যথা বশৎ ॥৪॥

67.5

যদ্বাবন্থ পুরুষ্টুত পুরা চিচ্ছূর নৃণাম্ । বয়ং তত্ত ইন্দ্র সং ভরামসি যজ্ঞমুক্থং তুরং বচঃ ॥৫॥

67.6

সচা সোমেষু পুরুহূত বজ্রিবো মদায় দ্যুক্ষ সোমপাঃ । ত্বমিদ্ধি ব্রহ্মকৃতে কাম্যং বসু দেষ্ঠঃ সুন্বতে ভুবঃ ॥৬॥

67.7

বয়মেনমিদা হ্যোঽপীপেমেহ বজ্রিণম্ । তস্মা উ অদ্য সমনা সুতং ভরা ঽঽনূনং ভূষত শ্রুতে ॥৭॥

67.8

বৃকশ্চিদস্য বারণ উরামথিরা বয়ুনেষু ভূষতি । সেমং নঃ স্তোমং জুজুষাণ আ গহীন্দ্র প্র চিত্রয়া ধিয়া ॥৮॥

67.9

কদূ ন্ব১স্যাকৃতমিন্দ্রস্যাস্তি পৌংস্যম্ । কেনো নু কং শ্রোমতেন ন শুশ্রুবে জনুষঃ পরি বৃত্রহা ॥৯॥

67.10

কদূ মহীরধৃষ্টা অস্য তবিষীঃ কদু বৃত্রঘ্নো অস্তৃতম্ ।
ইন্দ্রো বিশ্বান্বেকনাটাঁ অহর্দৃশ উত ক্রত্বা পণীঁরভি ॥১০॥

67.11

বয়ং ঘা তে অপূর্ব্যেন্দ্র ব্রহ্মাণি বৃত্রহন্ । পুরূতমাসঃ পুরুহূত বজ্রিবো ভৃতিং ন প্র ভরামসি ॥১১॥

67.12

পূর্বীশ্চিদ্ধি ত্বে তুবিকূর্মিন্নাশসো হবন্ত ইন্দ্রোতয়ঃ । তিরশ্চিদর্যঃ সবনা বসো গহি শবিষ্ঠ শ্রুধি মে হবম্ ॥১২॥

67.13

বয়ং ঘা তে ত্বে ইদ্বিন্দ্র বিপ্রা অপি ষ্মসি । নহি ত্বদন্যঃ পুরুহূত কশ্চন মঘবন্নস্তি মর্ডিতা ॥১৩॥

67.14

ত্বং নো অস্যা অমতেরুত ক্ষুধো৩ঽভিশস্তেরব স্পৃধি ।
ত্বং ন ঊতী তব চিত্রয়া ধিয়া শিক্ষা শচিষ্ঠ গাতুবিৎ ॥১৪॥

67.15

সোম ইদ্বঃ সুতো অস্তু কলয়ো মা বিভীতন । অপেদেষ ধ্বস্মায়তি স্বয়ং ঘৈষো অপায়তি ॥১৫॥