সূক্ত 64

64.1

১২ প্রগাথঃ কাণ্বঃ। ইন্দ্রঃ । গায়ত্রী ।

উত্ত্বা মন্দন্তু স্তোমাঃ কৃণুষ্ব রাধো অদ্রিবঃ । অব ব্রহ্মদ্বিষো জহি ॥১॥

পদা পণীঁররাধসো নি বাধস্ব মহাঁ অসি । নহি ত্বা কশ্চন প্রতি ॥২॥

ত্বমীশিষে সুতানামিন্দ্র ত্বমসুতানাম্ । ত্বং রাজা জনানাম্ ॥৩॥

এহি প্রেহি ক্ষয়ো দিব্যা৩ঘোষঞ্চর্ষণীনাম্ । ওভে পৃণাসি রোদসী ॥৪॥

ত্যং চিত্পর্বতং গিরিং শতবন্তং সহস্রিণম্ । বি স্তোতৃভ্যো রুরোজিথ ॥৫॥

বয়মু ত্বা দিবা সুতে বয়ং নক্তং হবামহে । অস্মাকং কামমা পৃণ ॥৬॥

ক্ব১ স্য বৃষভো যুবা তুবিগ্রীবো অনানতঃ । ব্রহ্মা কস্তং সপর্যতি ॥৭॥

কস্য স্বিত্সবনং বৃষা জুজুষ্বাঁ অব গচ্ছতি । ইন্দ্রং ক উ স্বিদা চকে ॥৮॥

কং তে দানা অসক্ষত বৃত্রহন্কং সুবীর্যা । উক্থে ক উ স্বিদন্তমঃ ॥৯॥

অয়ং তে মানুষে জনে সোমঃ পূরুষু সূয়তে । তস্যেহি প্র দ্রবা পিব ॥১০॥

অয়ং তে শর্যণাবতি সুষোমায়ামধি প্রিয়ঃ । আর্জীকীয়ে মদিন্তমঃ ॥১১॥

তমদ্য রাধসে মহে চারুং মদায় ঘৃষ্বয়ে । এহীমিন্দ্র দ্রবা পিব ॥১২॥