সূক্ত 63

63.1

১২ প্রগাথঃ কাণ্বঃ। ইন্দ্রঃ, ১২ দেবাঃ । গায়ত্রী ; ১,৪-৫,৭ অনুষ্টুপ্ ; ১২ ত্রিষ্টুপ্ ।

স পূর্ব্যো মহানাং বেনঃ ক্রতুভিরানজে । যস্য দ্বারা মনুষ্পিতা দেবেষু ধিয় আনজে ॥১॥

দিবো মানং নোত্সদন্ত্সোমপৃষ্ঠাসো অদ্রয়ঃ । উক্থা ব্রহ্ম চ শংস্যা ॥২॥

স বিদ্বাঁ অঙ্গিরোভ্য ইন্দ্রো গা অবৃণোদপ । স্তুষে তদস্য পৌংস্যম্ ॥৩॥

স প্রত্নথা কবিবৃধ ইন্দ্রো বাকস্য বক্ষণিঃ । শিবো অর্কস্য হোমন্যস্মত্রা গন্ত্ববসে ॥৪॥

আদূ নু তে অনু ক্রতুং স্বাহা বরস্য যজ্যবঃ । শ্বাত্রমর্কা অনূষতেন্দ্র গোত্রস্য দাবনে ॥৫॥

ইন্দ্রে বিশ্বানি বীর্যা কৃতানি কর্ত্বানি চ । যমর্কা অধ্বরং বিদুঃ ॥৬॥

যত্পাঞ্চজন্যয়া বিশেন্দ্রে ঘোষা অসৃক্ষত । অস্তৃণাদ্বর্হণা বিপো৩ঽর্যো মানস্য স ক্ষয়ঃ ॥৭॥

ইয়মু তে অনুষ্টুতিশ্চকৃষে তানি পৌংস্যা । প্রাবশ্চক্রস্য বর্তনিম্ ॥৮॥

অস্য বৃষ্ণো ব্যোদন উরু ক্রমিষ্ট জীবসে । যবং ন পশ্ব আ দদে ॥৯॥

তদ্দধানা অবস্যবো যুষ্মাভির্দক্ষপিতরঃ । স্যাম মরুত্বতো বৃধে ॥১০॥

বলৃত্বিয়ায় ধাম্ন ঋক্বভিঃ শূর নোনুমঃ । জেষামেন্দ্র ত্বয়া যুজা ॥১১॥

অস্মে রুদ্রা মেহনা পর্বতাসো বৃত্রহত্যে ভরহূতৌ সজোষাঃ ।
যঃ শংসতে স্তুবতে ধায়ি পজ্র ইন্দ্রজ্যেষ্ঠা অস্মাঁ অবন্তু দেবাঃ ॥১২॥