সূক্ত 5

5.1

৩৯ ব্রহ্মাতিথিঃ কাণ্বঃ ।অশ্বিনৌ, ৩৭ ( উত্তরার্ধস্য ) – ৩৯ চৈদ্যঃ কশুঃ । গায়ত্রী, ৩৭ -৩৮ বৃহতী , ৩৯ অনুষ্টুপ্ ।

দূরাদিহেব যত্সত্যরুণপ্সুরশিশ্বিতৎ । বি ভানুং বিশ্বধাতনৎ ॥১॥

5.2

নৃবদ্দস্রা মনোয়ুজা রথেন পৃথুপাজসা । সচেথে অশ্বিনোষসম্ ॥২॥

5.3

যুবাভ্যাং বাজিনীবসূ প্রতি স্তোমা অদৃক্ষত । বাচং দূতো যথোহিষে ॥৩॥

5.4

পুরুপ্রিয়া ণ ঊতয়ে পুরুমন্দ্রা পুরূবসূ । স্তুষে কণ্বাসো অশ্বিনা ॥৪॥

5.5

মংহিষ্ঠা বাজসাতমেষয়ন্তা শুভস্পতী । গন্তারা দাশুষো গৃহম্ ॥৫॥

5.6

তা সুদেবায় দাশুষে সুমেধামবিতারিণীম্ । ঘৃতৈর্গব্যূতিমুক্ষতম্ ॥৬॥

5.7

আ নঃ স্তোমমুপ দ্রবত্তূয়ং শ্যেনেভিরাশুভিঃ । যাতমশ্বেভিরশ্বিনা ॥৭॥

5.8

যেভিস্তিস্রঃ পরাবতো দিবো বিশ্বানি রোচনা । ত্রীঁরক্তূন্পরিদীয়থঃ ॥৮॥

5.9

উত নো গোমতীরিষ উত সাতীরহর্বিদা । বি পথঃ সাতয়ে সিতম্ ॥৯॥

5.10

আ নো গোমন্তমশ্বিনা সুবীরং সুরথং রয়িম্ । বোল্হমশ্বাবতীরিষঃ ॥১০॥

5.11

বাবৃধানা শুভস্পতী দস্রা হিরণ্যবর্তনী । পিবতং সোম্যং মধু ॥১১॥

5.12

অস্মভ্যং বাজিনীবসূ মঘবদ্ভ্যশ্চ সপ্রথঃ । ছর্দির্যন্তমদাভ্যম্ ॥১২॥

5.13

নি ষু ব্রহ্ম জনানাং যাবিষ্টং তূয়মা গতম্ । মো ষ্ব১ন্যাঁ উপারতম্ ॥১৩॥

5.14

অস্য পিবতমশ্বিনা যুবং মদস্য চারুণঃ । মধ্বো রাতস্য ধিষ্ণ্যা ॥১৪॥

5.15

অস্মে আ বহতং রয়িং শতবন্তং সহস্রিণম্ । পুরুক্ষুং বিশ্বধায়সম্ ॥১৫॥

5.16

পুরুত্রা চিদ্ধি বাং নরা বিহ্বয়ন্তে মনীষিণঃ । বাঘদ্ভিরশ্বিনা গতম্ ॥১৬॥

5.17

জনাসো বৃক্তবর্হিষো হবিষ্মন্তো অরংকৃতঃ । যুবাং হবন্তে অশ্বিনা ॥১৭॥

5.18

অস্মাকমদ্য বাময়ং স্তোমো বাহিষ্ঠো অন্তমঃ । যুবাভ্যাং ভূত্বশ্বিনা ॥১৮॥

5.19

যো হ বাং মধুনো দৃতিরাহিতো রথচর্ষণে । ততঃ পিবতমশ্বিনা ॥১৯॥

5.20

তেন নো বাজিনীবসূ পশ্বে তোকায় শং গবে । বহতং পীবরীরিষঃ ॥২০॥

5.21

উত নো দিব্যা ইষ উত সিন্ধূঁরহর্বিদা । অপ দ্বারেব বর্ষথঃ ॥২১॥

5.22

কদা বাং তৌগ্র্যো বিধত্সমুদ্রে জহিতো নরা । যদ্বাং রথো বিভিষ্পতাৎ ॥২২॥

5.23

যুবং কণ্বায় নাসত্যা ঽপিরিপ্তায় হর্ম্যে । শশ্বদূতীর্দশস্যথঃ ॥২৩॥

5.24

তাভিরা যাতমূতিভির্নব্যসীভিঃ সুশস্তিভিঃ । যদ্বাং বৃষণ্বসূ হুবে ॥২৪॥

5.25

যথা চিত্কণ্বমাবতং প্রিয়মেধমুপস্তুতম্ । অত্রিং শিঞ্জারমশ্বিনা ॥২৫॥

5.26

যথোত কৃত্ব্যে ধনেংঽশুং গোষ্বগস্ত্যম্ । যথা বাজেষু সোভরিম্ ॥২৬॥

5.27

এতাবদ্বাং বৃষণ্বসূ অতো বা ভূয়ো অশ্বিনা । গৃণন্তঃ সুম্নমীমহে ॥২৭॥

5.28

রথং হিরণ্যবন্ধুরং হিরণ্যাভীশুমশ্বিনা । আ হি স্থাথো দিবিস্পৃশম্ ॥২৮॥

5.29

হিরণ্যয়ী বাং রভিরীষা অক্ষো হিরণ্যয়ঃ । উভা চক্রা হিরণ্যয়া ॥২৯॥

5.30

তেন নো বাজিনীবসূ পরাবতশ্চিদা গতম্ । উপেমাং সুষ্টুতিং মম ॥৩০॥

5.31

আ বহেথে পরাকাত্পূর্বীরশ্নন্তাবশ্বিনা । ইষো দাসীরমর্ত্যা ॥৩১॥

5.32

আ নো দ্যুম্নৈরা শ্রবোভিরা রায়া যাতমশ্বিনা । পুরুশ্চন্দ্রা নাসত্যা ॥৩২॥

5.33

এহ বাং প্রুষিতপ্সবো বয়ো বহন্তু পর্ণিনঃ । অচ্ছা স্বধ্বরং জনম্ ॥৩৩॥

5.34

রথং বামনুগায়সং য ইষা বর্ততে সহ । ন চক্রমভি বাধতে ॥৩৪॥

5.35

হিরণ্যয়েন রথেন দ্রবত্পাণিভিরশ্বৈঃ । ধীজবনা নাসত্যা ॥৩৫॥

5.36

যুবং মৃগং জাগৃবাংসং স্বদথো বা বৃষণ্বসূ । তা নঃ পৃঙ্ক্তমিষা রয়িম্ ॥৩৬॥

5.37

তা মে অশ্বিনা সনীনাং বিদ্যাতং নবানাম্ । যথা চিচ্চৈদ্যঃ কশুঃ শতমুষ্ট্রানাং দদত্সহস্রা দশ গোনাম্ ॥৩॥

5.38

যো মে হিরণ্যসংদৃশো দশ রাজ্ঞো অমংহত । অধস্পদা ইচ্চৈদ্যস্য কৃষ্টয়শ্চর্মম্না অভিতো জনাঃ ॥৩৮॥

5.39

মাকিরেনা পথা গাদ্যেনেমে যন্তি চেদয়ঃ । অন্যো নেত্সূরিরোহতে ভূরিদাবত্তরো জনঃ ॥৩৯॥