সূক্ত 4

4.1

২১ দেবাতিথিঃ কাণ্বঃ ।ইন্দ্রঃ, ১৫ -১৮ পূষা বা , ১৯ -২১ কুরুঙ্গঃ । প্রগাথঃ = ( বিষমা বৃহতী , সমা সতোবৃহতী ), ২১ পুর উষ্ণিক্ ।

যদিন্দ্র প্রাগপাগুদঙ্ন্যগ্বা হূয়সে নৃভিঃ । সিমা পুরূ নৃষূতো অস্যানবেঽসি প্রশর্ধ তুর্বশে ॥১॥

যদ্বা রুমে রুশমে শ্যাবকে কৃপ ইন্দ্র মাদয়সে সচা ।
কণ্বাসস্ত্বা ব্রহ্মভিঃ স্তোমবাহস ইন্দ্রা যচ্ছন্ত্যা গহি ॥২॥

যথা গৌরো অপা কৃতং তৃষ্যন্নেত্যবেরিণম্ । আপিত্বে নঃ প্রপিত্বে তূয়মা গহি কণ্বেষু সু সচা পিব ॥৩॥

মন্দন্তু ত্বা মঘবন্নিন্দ্রেন্দবো রাধোদেয়ায় সুন্বতে । আমুষ্যা সোমমপিবশ্চমূ সুতং জ্যেষ্ঠং তদ্দধিষে সহঃ ॥৪॥

প্র চক্রে সহসা সহো বভঞ্জ মন্যুমোজসা । বিশ্বে ত ইন্দ্র পৃতনায়বো যহো নি বৃক্ষা ইব যেমিরে ॥৫॥

সহস্রেণেব সচতে যবীয়ুধা যস্ত আনলুপস্তুতিম্ । পুত্রং প্রাবর্গং কৃণুতে সুবীর্যে দাশ্নোতি নমউক্তিভিঃ ॥৬॥

মা ভেম মা শ্রমিষ্মোগ্রস্য সখ্যে তব । মহত্তে বৃষ্ণো অভিচক্ষ্যং কৃতং পশ্যেম তুর্বশং যদুম্ ॥৭॥

সব্যামনু স্ফিগ্যং বাবসে বৃষা ন দানো অস্য রোষতি । মধ্বা সম্পৃক্তাঃ সারঘেণ ধেনবস্তূয়মেহি দ্রবা পিব ॥৮॥

অশ্বী রথী সুরূপ ইদ্গোমাঁ ইদিন্দ্র তে সখা । শ্বাত্রভাজা বয়সা সচতে সদা চন্দ্রো যাতি সভামুপ ॥৯॥

ঋশ্যো ন তৃষ্যন্নবপানমা গহি পিবা সোমং বশাঁ অনু । নিমেঘমানো মঘবন্দিবেদিব ওজিষ্ঠং দধিষে সহঃ ॥১০॥

অধ্বর্যো দ্রাবয়া ত্বং সোমমিন্দ্রঃ পিপাসতি । উপ নূনং যুয়ুজে বৃষণা হরী আ চ জগাম বৃত্রহা ॥১১॥

স্বয়ং চিত্স মন্যতে দাশুরির্জনো যত্রা সোমস্য তৃম্পসি ।
ইদং তে অন্নং যুজ্যং সমুক্ষিতং তস্যেহি প্র দ্রবা পিব ॥১২॥

রথেষ্ঠায়াধ্বর্যবঃ সোমমিন্দ্রায় সোতন । অধি ব্রধ্নস্যাদ্রয়ো বি চক্ষতে সুন্বন্তো দাশ্বধ্বরম্ ॥১৩॥

উপ ব্রধ্নং বাবাতা বৃষণা হরী ইন্দ্রমপসু বক্ষতঃ । অর্বাঞ্চং ত্বা সপ্তয়োঽধ্বরশ্রিয়ো বহন্তু সবনেদুপ ॥১৪॥

প্র পূষণং বৃণীমহে যুজ্যায় পুরূবসুম্ । স শক্র শিক্ষ পুরুহূত নো ধিয়া তুজে রায়ে বিমোচন ॥১৫॥

সং নঃ শিশীহি ভুরিজোরিব ক্ষুরং রাস্ব রায়ো বিমোচন । ত্বে তন্নঃ সুবেদমুস্রিয়ং বসু যং ত্বং হিনোষি মর্ত্যম্ ॥১৬॥

বেমি ত্বা পূষন্নৃঞ্জসে বেমি স্তোতব আঘৃণে । ন তস্য বেম্যরণং হি তদ্বসো স্তুষে পজ্রায় সাম্নে ॥১৭॥

পরা গাবো যবসং কচ্চিদাঘৃণে নিত্যং রেক্ণো অমর্ত্য । অস্মাকং পূষন্নবিতা শিবো ভব মংহিষ্ঠো বাজসাতয়ে ॥১৮॥

স্থূরং রাধঃ শতাশ্বং কুরুঙ্গস্য দিবিষ্টিষু । রাজ্ঞস্ত্বেষস্য সুভগস্য রাতিষু তুর্বশেষ্বমন্মহি ॥১৯॥

ধীভিঃ সাতানি কাণ্বস্য বাজিনঃ প্রিয়মেধৈরভিদ্যুভিঃ । ষষ্টিং সহস্রানু নির্মজামজে নির্যূথানি গবামৃষিঃ ॥২০॥

বৃক্ষাশ্চিন্মে অভিপিত্বে অরারণুঃ । গাং ভজন্ত মেহনাঽশ্বং ভজন্ত মেহনা ॥২১॥