সূক্ত 3

3.1

মেধ্যাতিথিঃ কাণ্বঃ । ইন্দ্রঃ, ২১ -২৪ কৌরয়াণঃ পাকস্থামা । প্রগাথ : = ( বিষমা বৃহতী, সমা সতোবৃহতী ), ২১ অনুষ্টুপ্ , ২২ -২৩ গায়ত্রী, ২৪ বৃহতী ।

পিবা সুতস্য রসিনো মত্স্বা ন ইন্দ্র গোমতঃ । আপির্নো বোধি সধমাদ্যো বৃধে৩ঽস্মাঁ অবন্তু তে ধিয়ঃ ॥১॥

3.2

ভূয়াম তে সুমতৌ বাজিনো বয়ং মা নঃ স্তরভিমাতয়ে । অস্মাঞ্চিত্রাভিরবতাদভিষ্টিভিরা নঃ সুম্নেষু যাময় ॥২॥

3.3

ইমা উ ত্বা পুরূবসো গিরো বর্ধন্তু যা মম । পাবকবর্ণাঃ শুচয়ো বিপশ্চিতোঽভি স্তোমৈরনূষত ॥৩॥

3.4

অয়ং সহস্রমৃষিভিঃ সহস্কৃতঃ সমুদ্র ইব পপ্রথে । সত্যঃ সো অস্য মহিমা গৃণে শবো যজ্ঞেষু বিপ্ররাজ্যে ॥৪॥

3.5

ইন্দ্রমিদ্দেবতাতয় ইন্দ্রং প্রয়ত্যধ্বরে । ইন্দ্রং সমীকে বনিনো হবামহ ইন্দ্রং ধনস্য সাতয়ে ॥৫॥

3.6

ইন্দ্রো মহ্না রোদসী পপ্রথচ্ছব ইন্দ্রঃ সূর্যমরোচয়ৎ । ইন্দ্রে হ বিশ্বা ভুবনানি যেমির ইন্দ্রে সুবানাস ইন্দবঃ ॥৬॥

3.7

অভি ত্বা পূর্বপীতয় ইন্দ্র স্তোমেভিরায়বঃ । সমীচীনাস ঋভবঃ সমস্বরন্রুদ্রা গৃণন্ত পূর্ব্যম্ ॥৭॥

3.8

অস্যেদিন্দ্রো বাবৃধে বৃষ্ণ্যং শবো মদে সুতস্য বিষ্ণবি । অদ্যা তমস্য মহিমানমায়বোঽনু ষ্টুবন্তি পূর্বথা ॥৮॥

3.9

তত্ত্বা যামি সুবীর্যং তদ্ব্রহ্ম পূর্বচিত্তয়ে । যেনা যতিভ্যো ভৃগবে ধনে হিতে যেন প্রস্কণ্বমাবিথ ॥৯॥

3.10

যেনা সমুদ্রমসৃজো মহীরপস্তদিন্দ্র বৃষ্ণি তে শবঃ । সদ্যঃ সো অস্য মহিমা ন সংনশে যং ক্ষোণীরনুচক্রদে ॥১০॥

3.11

শগ্ধী ন ইন্দ্র যত্ত্বা রয়িং যামি সুবীর্যম্ । শগ্ধি বাজায় প্রথমং সিষাসতে শগ্ধি স্তোমায় পূর্ব্য ॥১১॥

3.12

শগ্ধী নো অস্য যদ্ধ পৌরমাবিথ ধিয় ইন্দ্র সিষাসতঃ ।
শগ্ধি যথা রুশমং শ্যাবকং কৃপমিন্দ্র প্রাবঃ স্বর্ণরম্ ॥১২॥

3.13

কন্নব্যো অতসীনাং তুরো গৃণীত মর্ত্যঃ । নহী ন্বস্য মহিমানমিন্দ্রিয়ং স্বর্গৃণন্ত আনশুঃ ॥১৩॥

3.14

কদু স্তুবন্ত ঋতয়ন্ত দেবত ঋষিঃ কো বিপ্র ওহতে ।
কদা হবং মঘবন্নিন্দ্র সুন্বতঃ কদু স্তুবত আ গমঃ ॥১৪॥

3.15

উদু ত্যে মধুমত্তমা গিরঃ স্তোমাস ঈরতে । সত্রাজিতো ধনসা অক্ষিতোতয়ো বাজয়ন্তো রথা ইব ॥১৫॥

3.16

কণ্বা ইব ভৃগবঃ সূর্যা ইব বিশ্বমিদ্ধীতমানশুঃ । ইন্দ্রং স্তোমেভির্মহয়ন্ত আয়বঃ প্রিয়মেধাসো অস্বরন্ ॥১৬॥

3.17

যুক্ষ্বা হি বৃত্রহন্তম হরী ইন্দ্র পরাবতঃ । অর্বাচীনো মঘবন্ত্সোমপীতয় উগ্র ঋষ্বেভিরা গহি ॥১৭॥

3.18

ইমে হি তে কারবো বাবশুর্ধিয়া বিপ্রাসো মেধসাতয়ে । স ত্বং নো মঘবন্নিন্দ্র গির্বণো বেনো ন শৃণুধী হবম্ ॥১৮॥

3.19

নিরিন্দ্র বৃহতীভ্যো বৃত্রং ধনুভ্যো অস্ফুরঃ । নিরর্বুদস্য মৃগয়স্য মায়িনো নিঃ পর্বতস্য গা আজঃ ॥১৯॥

3.20

নিরগ্নয়ো রুরুচুর্নিরু সূর্যো নিঃ সোম ইন্দ্রিয়ো রসঃ । নিরন্তরিক্ষাদধমো মহামহিং কৃষে তদিন্দ্র পৌংস্যম্ ॥২০॥

3.21

যং মে দুরিন্দ্রো মরুতঃ পাকস্থামা কৌরয়াণঃ । বিশ্বেষাং ত্মনা শোভিষ্ঠমুপেব দিবি ধাবমানম্ ॥২১॥

3.22

রোহিতং মে পাকস্থামা সুধুরং কক্ষ্যপ্রাম্ । অদাদ্রায়ো বিবোধনম্ ॥২২॥

3.23

যস্মা অন্যে দশ প্রতি ধুরং বহন্তি বহ্নয়ঃ । অস্তং বয়ো ন তুগ্র্যম্ ॥২৩॥

3.24

আত্মা পিতুস্তনূর্বাস ওজোদা অভ্যঞ্জনম্ ।
তুরীয়মিদ্রোহিতস্য পাকস্থামানং ভোজং দাতারমব্রবম্ ॥২৪॥