সূক্ত 2

2.1

(৪২) ১-৪০ মেঘাতিথিঃ –কাণ্বঃ , আঙ্গিরসঃ প্রিয়মেধশ্চ, ৪১-৪২ মেঘাতিথিঃ –কাণ্বঃ । ইন্দ্রঃ, ৪১ -৪২ বিভিন্দুঃ।গায়ত্রী,২৮ অনুষ্টুপ্ ।

ইদং বসো সুতমন্ধঃ পিবা সুপূর্ণমুদরম্ । অনাভয়িন্ররিমা তে ॥১॥

2.2

নৃভির্ধূতঃ সুতো অশ্নৈরব্যো বারৈঃ পরিপূতঃ । অশ্বো ন নিক্তো নদীষু ॥২॥

2.3

তং তে যবং যথা গোভিঃ স্বাদুমকর্ম শ্রীণন্তঃ । ইন্দ্র ত্বাস্মিন্ত্সধমাদে ॥৩॥

2.4

ইন্দ্র ইত্সোমপা এক ইন্দ্রঃ সুতপা বিশ্বায়ুঃ । অন্তর্দেবান্মর্ত্যাঁশ্চ ॥৪॥

2.5

ন যং শুক্রো ন দুরাশীর্ন তৃপ্রা উরুব্যচসম্ । অপস্পৃণ্বতে সুহার্দম্ ॥৫॥

2.6

গোভির্যদীমন্যে অস্মন্মৃগং ন ব্রা মৃগয়ন্তে । অভিত্সরন্তি ধেনুভিঃ ॥৬॥

2.7

ত্রয় ইন্দ্রস্য সোমাঃ সুতাসঃ সন্তু দেবস্য । স্বে ক্ষয়ে সুতপাব্নঃ ॥৭॥

2.8

ত্রয়ঃ কোশাসঃ শ্চোতন্তি তিস্রশ্চম্ব১ঃ সুপূর্ণাঃ । সমানে অধি ভার্মন্ ॥৮॥

2.9

শুচিরসি পুরুনিঃষ্ঠাঃ ক্ষীরৈর্মধ্যত আশীর্তঃ । দধ্না মন্দিষ্ঠঃ শূরস্য ॥৯॥

2.10

ইমে ত ইন্দ্র সোমাস্তীব্রা অস্মে সুতাসঃ । শুক্রা আশিরং যাচন্তে ॥১০॥

2.11

তাঁ আশিরং পুরোলাশমিন্দ্রেমং সোমং শ্রীণীহি । রেবন্তং হি ত্বা শৃণোমি ॥১১॥

2.12

হৃত্সু পীতাসো যুধ্যন্তে দুর্মদাসো ন সুরায়াম্ । ঊধর্ন নগ্না জরন্তে ॥১২॥

2.13

রেবাঁ ইদ্রেবতঃ স্তোতা স্যাত্ত্বাবতো মঘোনঃ । প্রেদু হরিবঃ শ্রুতস্য ॥১৩॥

2.14

উক্থং চন শস্যমানমগোররিরা চিকেত । ন গায়ত্রং গীয়মানং ॥১৪॥

2.15

মা ন ইন্দ্র পীয়ত্নবে মা শর্ধতে পরা দাঃ । শিক্ষা শচীবঃ শচীভিঃ ॥১৫॥

2.16

বয়মু ত্বা তদিদর্থা ইন্দ্র ত্বায়ন্তঃ সখায়ঃ । কণ্বা উক্থেভির্জরন্তে ॥১৬॥

2.17

ন ঘেমন্যদা পপন বজ্রিন্নপসো নবিষ্টৌ । তবেদু স্তোমং চিকেত ॥১৭॥

2.18

ইচ্ছন্তি দেবাঃ সুন্বন্তং ন স্বপ্নায় স্পৃহয়ন্তি । যন্তি প্রমাদমতন্দ্রাঃ ॥১৮॥

2.19

ও ষু প্র যাহি বাজেভির্মা হৃণীথা অভ্য১স্মান্ । মহাঁ ইব যুবজানিঃ ॥১৯॥

2.20

মো ষ্ব১দ্য দুর্হণাবান্ত্সায়ং করদারে অস্মৎ । অশ্রীর ইব জামাতা ॥২০॥

2.21

বিদ্মা হ্যস্য বীরস্য ভূরিদাবরীং সুমতিম্ । ত্রিষু জাতস্য মনাংসি ॥২১॥

2.22

আ তূ ষিঞ্চ কণ্বমন্তং ন ঘা বিদ্ম শবসানাৎ । যশস্তরং শতমূতেঃ ॥২২॥

2.23

জ্যেষ্ঠেন সোতরিন্দ্রায় সোমং বীরায় শক্রায় । ভরা পিবন্নর্যায় ॥২৩॥

2.24

যো বেদিষ্ঠো অব্যথিষ্বশ্বাবন্তং জরিতৃভ্যঃ । বাজং স্তোতৃভ্যো গোমন্তম্ ॥২৪॥

2.25

পন্যম্পন্যমিত্সোতার আ ধাবত মদ্যায় । সোমং বীরায় শূরায় ॥২৫॥

2.26

পাতা বৃত্রহা সুতমা ঘা গমন্নারে অস্মৎ । নি যমতে শতমূতিঃ ॥২৬॥

2.27

এহ হরী ব্রহ্ময়ুজা শগ্মা বক্ষতঃ সখায়ম্ । গীর্ভিঃ শ্রুতং গির্বণসম্ ॥২৭॥

2.28

স্বাদবঃ সোমা আ যাহি শ্রীতাঃ সোমা আ যাহি । শিপ্রিন্নৃষীবঃ শচীবো নায়মচ্ছা সধমাদম্ ॥২৮॥

2.29

স্তুতশ্চ যাস্ত্বা বর্ধন্তি মহে রাধসে নৃম্ণায় । ইন্দ্র কারিণং বৃধন্তঃ ॥২৯॥

2.30

গিরশ্চ যাস্তে গির্বাহ উক্থা চ তুভ্যং তানি । সত্রা দধিরে শবাংসি ॥৩০॥

2.31

এবেদেষ তুবিকূর্মির্বাজাঁ একো বজ্রহস্তঃ । সনাদমৃক্তো দয়তে ॥৩১॥

2.32

হন্তা বৃত্রং দক্ষিণেনেন্দ্রঃ পুরূ পুরুহূতঃ । মহান্মহীভিঃ শচীভিঃ ॥৩২॥

2.33

যস্মিন্বিশ্বাশ্চর্ষণয় উত চ্যৌত্না জ্রয়াংসি চ । অনু ঘেন্মন্দী মঘোনঃ ॥৩৩॥

2.34

এষ এতানি চকারেন্দ্রো বিশ্বা যোঽতি শৃণ্বে । বাজদাবা মঘোনাম্ ॥৩৪॥

2.35

প্রভর্তা রথং গব্যন্তমপাকাচ্চিদ্যমবতি । ইনো বসু স হি বোল্হা ॥৩৫॥

2.36

সনিতা বিপ্রো অর্বদ্ভির্হন্তা বৃত্রং নৃভিঃ শূরঃ । সত্যোঽবিতা বিধন্তম্ ॥৩৬॥

2.37

যজধ্বৈনং প্রিয়মেধা ইন্দ্রং সত্রাচা মনসা । যো ভূত্সোমৈঃ সত্যমদ্বা ॥৩৭॥

2.38

গাথশ্রবসং সত্পতিং শ্রবস্কামং পুরুত্মানম্ । কণ্বাসো গাত বাজিনম্ ॥৩৮॥

2.39

য ঋতে চিদ্গাস্পদেভ্যো দাত্সখা নৃভ্যঃ শচীবান্ । যে অস্মিন্কামমশ্রিয়ন্ ॥৩৯॥

2.40

ইত্থা ধীবন্তমদ্রিবঃ কাণ্বং মেধ্যাতিথিম্ । মেষো ভূতো৩ঽভি যন্নয়ঃ ॥৪০॥

2.41

শিক্ষা বিভিন্দো অস্মৈ চত্বার্যয়ুতা দদৎ । অষ্টা পরঃ সহস্রা ॥৪১॥

2.42

উত সু ত্যে পয়োবৃধা মাকী রণস্য নপ্ত্যা । জনিত্বনায় মামহে ॥৪২॥