সূক্ত 1

1.1

(৩৪) ১-২ প্রগাথো ( ঘৌর : ) কাণ্বঃ ; ৩-২৯ মেঘাতিথি – মেধ্যাতিথী কাণ্বৌ, ৩০-৩৩ প্লায়োগিরাসঙ্গঃ, ৩৪ আঙ্গিরসী শশ্বতী ঋষিকা । ইন্দ্রঃ,৩০ -৩৪ আসঙ্গঃ। ১-৪ প্রগাথঃ= ( বিষমা বৃহতী, সমা সতোবৃহতী ), ৫-৩২ বৃহতী, ৩৩-৩৪ ত্রিষ্টুপ্ ।

মা চিদন্যদ্বি শংসত সখায়ো মা রিষণ্যত । ইন্দ্রমিত্স্তোতা বৃষণং সচা সুতে মুহুরুক্থা চ শংসত ॥১॥

1.2

অবক্রক্ষিণং বৃষভং যথাজুরং গাং ন চর্ষণীসহম্ । বিদ্বেষণং সংবননোভয়ংকরং মংহিষ্ঠমুভয়াবিনম্ ॥২॥

1.3

যচ্চিদ্ধি ত্বা জনা ইমে নানা হবন্ত ঊতয়ে । অস্মাকং ব্রহ্মেদমিন্দ্র ভূতু তেঽহা বিশ্বা চ বর্ধনম্ ॥৩॥

1.4

বি তর্তূর্যন্তে মঘবন্বিপশ্চিতোঽর্যো বিপো জনানাম্ । উপ ক্রমস্ব পুরুরূপমা ভর বাজং নেদিষ্ঠমূতয়ে ॥৪॥

1.5

মহে চন ত্বামদ্রিবঃ পরা শুল্কায় দেয়াম্ । ন সহস্রায় নায়ুতায় বজ্রিবো ন শতায় শতামঘ ॥৫॥

1.6

বস্যাঁ ইন্দ্রাসি মে পিতুরুত ভ্রাতুরভুঞ্জতঃ । মাতা চ মে ছদয়থঃ সমা বসো বসুত্বনায় রাধসে ॥৬॥

1.7

ক্বেয়থ ক্বেদসি পুরুত্রা চিদ্ধি তে মনঃ । অলর্ষি যুধ্ম খজকৃত্পুরংদর প্র গায়ত্রা অগাসিষুঃ ॥৭॥

1.8

প্রাস্মৈ গায়ত্রমর্চত বাবাতুর্যঃ পুরংদরঃ । যাভিঃ কাণ্বস্যোপ বর্হিরাসদং যাসদ্বজ্রী ভিনত্পুরঃ ॥৮॥

1.9

যে তে সন্তি দশগ্বিনঃ শতিনো যে সহস্রিণঃ । অশ্বাসো যে তে বৃষণো রঘুদ্রুবস্তেভির্নস্তূয়মা গহি ॥৯॥

1.10

আ ত্ব১দ্য সবর্দুঘাং হুবে গায়ত্রবেপসম্ । ইন্দ্রং ধেনুং সুদুঘামন্যামিষমুরুধারামরংকৃতম্ ॥১০॥

1.11

যত্তুদত্সূর এতশং বঙ্কূ বাতস্য পর্ণিনা । বহত্কুত্সমার্জুনেয়ং শতক্রতুঃ ত্সরদ্গন্ধর্বমস্তৃতম্ ॥১১॥

1.12

য ঋতে চিদভিশ্রিষঃ পুরা জত্রুভ্য আতৃদঃ । সংধাতা সংধিং মঘবা পুরূবসুরিষ্কর্তা বিহ্রুতং পুনঃ ॥১২॥

1.13

মা ভূম নিষ্ট্যা ইবেন্দ্র ত্বদরণা ইব । বনানি ন প্রজহিতান্যদ্রিবো দুরোষাসো অমন্মহি ॥১৩॥

1.14

অমন্মহীদনাশবোঽনুগ্রাসশ্চ বৃত্রহন্ । সকৃত্সু তে মহতা শূর রাধসা ঽনু স্তোমং মুদীমহি ॥১৪॥

1.15

যদি স্তোমং মম শ্রবদস্মাকমিন্দ্রমিন্দবঃ । তিরঃ পবিত্রং সসৃবাংস আশবো মন্দন্তু তুগ্র্যাবৃধঃ ॥১৫॥

1.16

আ ত্ব১দ্য সধস্তুতিং বাবাতুঃ সখ্যুরা গহি । উপস্তুতির্মঘোনাং প্র ত্বাবত্বধা তে বশ্মি সুষ্টুতিম্ ॥১৬॥

1.17

সোতা হি সোমমদ্রিভিরেমেনমপ্সু ধাবত । গব্যা বস্ত্রেব বাসয়ন্ত ইন্নরো নির্ধুক্ষন্বক্ষণাভ্যঃ ॥১৭॥

1.18

অধ জ্মো অধ বা দিবো বৃহতো রোচনাদধি । অয়া বর্ধস্ব তন্বা গিরা মমা ঽঽজাতা সুক্রতো পৃণ ॥১৮॥

1.19

ইন্দ্রায় সু মদিন্তমং সোমং সোতা বরেণ্যম্ । শক্র এণং পীপয়দ্বিশ্বয়া ধিয়া হিন্বানং ন বাজয়ুম্ ॥১৯॥

1.20

মা ত্বা সোমস্য গল্দয়া সদা যাচন্নহং গিরা । ভূর্ণিং মৃগং ন সবনেষু চুক্রুধং ক ঈশানং ন যাচিষৎ ॥২০॥

1.21

মদেনেষিতং মদমুগ্রমুগ্রেণ শবসা । বিশ্বেষাং তরুতারং মদচ্যুতং মদে হি ষ্মা দদাতি নঃ ॥২১॥

1.22

শেবারে বার্যা পুরু দেবো মর্তায় দাশুষে । স সুন্বতে চ স্তুবতে চ রাসতে বিশ্বগূর্তো অরিষ্টুতঃ ॥২২॥

1.23

এন্দ্র যাহি মত্স্ব চিত্রেণ দেব রাধসা । সরো ন প্রাস্যুদরং সপীতিভিরা সোমেভিরুরু স্ফিরম্ ॥২৩॥

1.24

আ ত্বা সহস্রমা শতং যুক্তা রথে হিরণ্যয়ে । ব্রহ্ময়ুজো হরয় ইন্দ্র কেশিনো বহন্তু সোমপীতয়ে ॥২৪॥

1.25

আ ত্বা রথে হিরণ্যয়ে হরী ময়ূরশেপ্যা । শিতিপৃষ্ঠা বহতাং মধ্বো অন্ধসো বিবক্ষণস্য পীতয়ে ॥২৫॥

1.26

পিবা ত্ব১স্য গির্বণঃ সুতস্য পূর্বপা ইব । পরিষ্কৃতস্য রসিন ইয়মাসুতিশ্চারুর্মদায় পত্যতে ॥২৬॥

1.27

য একো অস্তি দংসনা মহাঁ উগ্রো অভি ব্রতৈঃ । গমত্স শিপ্রী ন স যোষদা গমদ্ধবং ন পরি বর্জতি ॥২৭॥

1.28

ত্বং পুরং চরিষ্ণ্বং বধৈঃ শুষ্ণস্য সং পিণক্ । ত্বং ভা অনু চরো অধ দ্বিতা যদিন্দ্র হব্যো ভুবঃ ॥২৮॥

1.29

মম ত্বা সূর উদিতে মম মধ্যংদিনে দিবঃ । মম প্রপিত্বে অপিশর্বরে বসবা স্তোমাসো অবৃত্সত ॥২৯॥

1.30

স্তুহি স্তুহীদেতে ঘা তে মংহিষ্ঠাসো মঘোনাম্ । নিন্দিতাশ্বঃ প্রপথী পরমজ্যা মঘস্য মেধ্যাতিথে ॥৩০॥

1.31

আ যদশ্বান্বনন্বতঃ শ্রদ্ধয়াহং রথে রুহম্ । উত বামস্য বসুনশ্চিকেততি যো অস্তি যাদ্বঃ পশুঃ ॥৩॥

1.32

য ঋজ্রা মহ্যং মামহে সহ ত্বচা হিরণ্যয়া । এষ বিশ্বান্যভ্যস্তু সৌভগাঽঽসঙ্গস্য স্বনদ্রথঃ ॥৩॥

1.33

অধ প্লায়োগিরতি দাসদন্যানাসঙ্গো অগ্নে দশভিঃ সহস্রৈঃ । অধোক্ষণো দশ মহ্যং রুশন্তো নলা ইব সরসো নিরতিষ্ঠন্ ॥৩॥

1.34

অন্বস্য স্থূরং দদৃশে পুরস্তাদনস্থ ঊরুরবরম্বমাণঃ । শশ্বতী নার্যভিচক্ষ্যাহ সুভদ্রমর্য ভোজনং বিভর্ষি ॥৩৪॥