সূক্ত 46

46.1

৩৩ বশোঽশ্ব্যঃ । ইন্দ্রঃ; ২১ -২৪ কানীতঃ পৃথুশ্রবাঃ; ২৫-২৮ , ৩২ বায়ুঃ । গায়ত্রী , ১ পাদনিচৃৎ ; ৫ ককুপ্ ,৭ বৃহতী , ৮ অনুষ্টুপ্ , ৯ সতোবৃহতী, ১১-১২ বিপরীতোত্তরঃ প্রগাথঃ = ( বৃহতী, বিপরীতা ), ১৩ দ্বিপদা জগতী , ১৪ বৃহতী পিপীলিকমধ্যা, ১৫ ককুম্ন্যংকুশিরা, ১৬ বিরাট্, ১৭ জগতী, ১৮ উপরিষ্টাদ্ বৃহতী ,১৯ বৃহতী , ২০ বিষমপদা বৃহতী ; ২১ ,২৪ পংক্তিঃ; ২২ সংস্তারপংক্তিঃ , ২৪ -২৮ ; প্রগাথঃ = ( বৃহতী , সতোবৃহতী ), ৩০ দ্বিপদা বিরাট্ , ৩১ উষ্ণিক্ , ৩২ পংক্তিঃ ।

ত্বাবতঃ পুরূবসো বয়মিন্দ্র প্রণেতঃ । স্মসি স্থাতর্হরীণাম্ ॥১॥

46.2

ত্বাং হি সত্যমদ্রিবো বিদ্ম দাতারমিষাম্ । বিদ্ম দাতারং রয়ীণাম্ ॥২॥

46.3

আ যস্য তে মহিমানং শতমূতে শতক্রতো । গীর্ভির্গৃণন্তি কারবঃ ॥৩॥

46.4

সুনীথো ঘা স মর্ত্যো যং মরুতো যমর্যমা । মিত্রঃ পান্ত্যদ্রুহঃ ॥৪॥

46.5

দধানো গোমদশ্ববত্সুবীর্যমাদিত্যজূত এধতে । সদা রায়া পুরুস্পৃহা ॥৫॥

46.6

তমিন্দ্রং দানমীমহে শবসানমভীর্বম্ । ঈশানং রায় ঈমহে ॥৬॥

46.7

তস্মিন্হি সন্ত্যূতয়ো বিশ্বা অভীরবঃ সচা । তমা বহন্তু সপ্তয়ঃ পুরূবসুং মদায় হরয়ঃ সুতম্ ॥৭॥

46.8

যস্তে মদো বরেণ্যো য ইন্দ্র বৃত্রহন্তমঃ । য আদদিঃ স্ব১র্নৃভির্যঃ পৃতনাসু দুষ্টরঃ ॥৮॥

46.9

যো দুষ্টরো বিশ্ববার শ্রবায্যো বাজেষ্বস্তি তরুতা । স নঃ শবিষ্ঠ সবনা বসো গহি গমেম গোমতি ব্রজে ॥৯॥

46.10

গব্যো ষু ণো যথা পুরাঽশ্বয়োত রথয়া । বরিবস্য মহামহ ॥১০॥

46.11

নহি তে শূর রাধসোঽন্তং বিন্দামি সত্রা । দশস্যা নো মঘবন্নূ চিদদ্রিবো ধিয়ো বাজেভিরাবিথ ॥১১॥

46.12

য ঋষ্বঃ শ্রাবয়ত্সখা বিশ্বেত্স বেদ জনিমা পুরুষ্টুতঃ । তং বিশ্বে মানুষা যুগেন্দ্রং হবন্তে তবিষং যতস্রুচঃ ॥১২॥

46.13

স নো বাজেষ্ববিতা পুরূবসুঃ পুরস্থাতা মঘবা বৃত্রহা ভুবৎ ॥১৩॥

46.14

অভি বো বীরমন্ধসো মদেষু গায় গিরা মহা বিচেতসম্ । ইন্দ্রং নাম শ্রুত্যং শাকিনং বচো যথা ॥১৪॥

46.15

দদী রেক্ণস্তন্বে দদির্বসু দদির্বাজেষু পুরুহূত বাজিনম্ । নূনমথ ॥১৫॥

46.16

বিশ্বেষামিরজ্যন্তং বসূনাং সাসহ্বাংসং চিদস্য বর্পসঃ । কৃপয়তো নূনমত্যথ ॥১৬॥

46.17

মহঃ সু বো অরমিষে স্তবামহে মীল্হুষে অরংগমায় জগ্ময়ে ।
যজ্ঞেভির্গীর্ভির্বিশ্বমনুষাং মরুতামিয়ক্ষসি গায়ে ত্বা নমসা গিরা ॥১৭॥

46.18

যে পাতয়ন্তে অজ্মভির্গিরীণাং স্নুভিরেষাম্ । যজ্ঞং মহিষ্বণীনাং সুম্নং তুবিষ্বণীনাং প্রাধ্বরে ॥১৮॥

46.19

প্রভঙ্গং দুর্মতীনামিন্দ্র শবিষ্ঠা ভর । রয়িমস্মভ্যং যুজ্যং চোদয়ন্মতে জ্যেষ্ঠং চোদয়ন্মতে ॥১৯॥

46.20

সনিতঃ সুসনিতরুগ্র চিত্র চেতিষ্ঠ সূনৃত । প্রাসহা সম্রাট্ সহুরিং সহন্তং ভুজ্যুং বাজেষু পূর্ব্যম্ ॥২০॥

46.21

আ স এতু য ঈবদাঁ অদেবঃ পূর্তমাদদে । যথা চিদ্বশো অশ্ব্যঃ পৃথুশ্রবসি কানীতে৩ঽস্যা ব্যুষ্যাদদে ॥২১॥

46.22

ষষ্টিং সহস্রাশ্ব্যস্যায়ুতাসনমুষ্ট্রানাং বিংশতিং শতা ।
দশ শ্যাবীনাং শতা দশ ত্র্যরুষীণাং দশ গবাং সহস্রা ॥২২॥

46.23

দশ শ্যাবা ঋধদ্রয়ো বীতবারাস আশবঃ । মথ্রা নেমিং নি বাবৃতুঃ ॥২৩॥

46.24

দানাসঃ পৃথুশ্রবসঃ কানীতস্য সুরাধসঃ । রথং হিরণ্যয়ং দদন্মংহিষ্ঠঃ সূরিরভূদ্বর্ষিষ্ঠমকৃত শ্রবঃ ॥২৪॥

46.25

আ নো বায়ো মহে তনে যাহি মখায় পাজসে । বয়ং হি তে চকৃমা ভূরি দাবনে সদ্যশ্চিন্মহি দাবনে ॥২৫॥

46.26

যো অশ্বেভির্বহতে বস্ত উস্রাস্ত্রিঃ সপ্ত সপ্ততীনাম্ ।
এভিঃ সোমেভিঃ সোমসুদ্ভিঃ সোমপা দানায় শুক্রপূতপাঃ ॥২৬॥

46.27

যো ম ইমং চিদু ত্মনামন্দচ্চিত্রং দাবনে । অরট্বে অক্ষে নহুষে সুকৃত্বনি সুকৃত্তরায় সুক্রতুঃ ॥২৭॥

46.28

উচথ্যে৩ বপুষি যঃ স্বরালুত বায়ো ঘৃতস্নাঃ । অশ্বেষিতং রজেষিতং শুনেষিতং প্রাজ্ম তদিদং নু তৎ ॥২৮॥

46.29

অধ প্রিয়মিষিরায় ষষ্টিং সহস্রাসনম্ । অশ্বানামিন্ন বৃষ্ণাম্ ॥২৯॥

46.30

গাবো ন যূথমুপ যন্তি বধ্রয় উপ মা যন্তি বধ্রয়ঃ ॥৩০॥

46.31

অধ যচ্চারথে গণে শতমুষ্ট্রাঁ অচিক্রদৎ । অধ শ্বিত্নেষু বিংশতিং শতা ॥৩১॥

46.32

শতং দাসে বল্বূথে বিপ্রস্তরুক্ষ আ দদে । তে তে বায়বিমে জনা মদন্তীন্দ্রগোপা মদন্তি দেবগোপাঃ ॥৩২॥

46.33

অধ স্যা যোষণা মহী প্রতীচী বশমশ্ব্যম্ । অধিরুক্মা বি নীয়তে ॥৩৩॥