সূক্ত 45

45.1

৪২ ত্রিশোকঃ কাণ্বঃ। ইন্দ্রঃ; ১ অগ্নীন্দ্রৌ ।গায়ত্রী ।

আ ঘা যে অগ্নিমিন্ধতে স্তৃণন্তি বর্হিরানুষক্ । যেষামিন্দ্রো যুবা সখা ॥১॥

45.2

বৃহন্নিদিধ্ম এষাং ভূরি শস্তং পৃথুঃ স্বরুঃ । যেষামিন্দ্রো যুবা সখা ॥২॥

45.3

অয়ুদ্ধ ইদ্যুধা বৃতং শূর আজতি সত্বভিঃ । যেষামিন্দ্রো যুবা সখা ॥৩॥

45.4

আ বুন্দং বৃত্রহা দদে জাতঃ পৃচ্ছদ্বি মাতরম্ । ক উগ্রাঃ কে হ শৃণ্বিরে ॥৪॥

45.5

প্রতি ত্বা শবসী বদদ্গিরাবপ্সো ন যোধিষৎ । যস্তে শত্রুত্বমাচকে ॥৫॥

45.6

উত ত্বং মঘবঞ্ছৃণু যস্তে বষ্টি ববক্ষি তৎ । যদ্বীলয়াসি বীলু তৎ ॥৬॥

45.7

যদাজিং যাত্যাজিকৃদিন্দ্রঃ স্বশ্বয়ুরুপ । রথীতমো রথীনাম্ ॥৭॥

45.8

বি ষু বিশ্বা অভিয়ুজো বজ্রিন্বিষ্বগ্যথা বৃহ । ভবা নঃ সুশ্রবস্তমঃ ॥৮॥

45.9

অস্মাকং সু রথং পুর ইন্দ্রঃ কৃণোতু সাতয়ে । ন যং ধূর্বন্তি ধূর্তয়ঃ ॥৯॥

45.10

বৃজ্যাম তে পরি দ্বিষোঽরং তে শক্র দাবনে । গমেমেদিন্দ্র গোমতঃ ॥১০॥

45.11

শনৈশ্চিদ্যন্তো অদ্রিবোঽশ্বাবন্তঃ শতগ্বিনঃ । বিবক্ষণা অনেহসঃ ॥১১॥

45.12

ঊর্ধ্বা হি তে দিবেদিবে সহস্রা সূনৃতা শতা । জরিতৃভ্যো বিমংহতে ॥১২॥

45.13

বিদ্মা হি ত্বা ধনংজয়মিন্দ্র দৃল্হা চিদারুজম্ । আদারিণং যথা গয়ম্ ॥১৩॥

45.14

ককুহং চিত্ত্বা কবে মন্দন্তু ধৃষ্ণবিন্দবঃ । আ ত্বা পণিং যদীমহে ॥১৪॥

45.15

যস্তে রেবাঁ অদাশুরিঃ প্রমমর্ষ মঘত্তয়ে । তস্য নো বেদ আ ভর ॥১৫॥

45.16

ইম উ ত্বা বি চক্ষতে সখায় ইন্দ্র সোমিনঃ । পুষ্টাবন্তো যথা পশুম্ ॥১৬॥

45.17

উত ত্বাবধিরং বয়ং শ্রুত্কর্ণং সন্তমূতয়ে । দূরাদিহ হবামহে ॥১৭॥

45.18

যচ্ছুশ্রূয়া ইমং হবং দুর্মর্ষং চক্রিয়া উত । ভবেরাপির্নো অন্তমঃ ॥১৮॥

45.19

যচ্চিদ্ধি তে অপি ব্যথির্জগন্বাংসো অমন্মহি । গোদা ইদিন্দ্র বোধি নঃ ॥১৯॥

45.20

আ ত্বা রম্ভং ন জিব্রয়ো ররভ্মা শবসস্পতে । উশ্মসি ত্বা সধস্থ আ ॥২০॥

45.21

স্তোত্রমিন্দ্রায় গায়ত পুরুনৃম্ণায় সত্বনে । নকির্যং বৃণ্বতে যুধি ॥২১॥

45.22

অভি ত্বা বৃষভা সুতে সুতং সৃজামি পীতয়ে । তৃম্পা ব্যশ্নুহী মদম্ ॥২২॥

45.23

মা ত্বা মূরা অবিষ্যবো মোপহস্বান আ দভন্ । মাকীং ব্রহ্মদ্বিষো বনঃ ॥২৩॥

45.24

ইহ ত্বা গোপরীণসা মহে মন্দন্তু রাধসে । সরো গৌরো যথা পিব ॥২৪॥

45.25

যা বৃত্রহা পরাবতি সনা নবা চ চুচ্যুবে । তা সংসত্সু প্র বোচত ॥২৫॥

45.26

অপিবত্কদ্রুবঃ সুতমিন্দ্রঃ সহস্রবাহ্বে । অত্রাদেদিষ্ট পৌংস্যম্ ॥২৬॥

45.27

সত্যং তত্তুর্বশে যদৌ বিদানো অহ্নবায্যম্ । ব্যানট্ তুর্বণে শমি ॥২৭॥

45.28

তরণিং বো জনানাং ত্রদং বাজস্য গোমতঃ । সমানমু প্র শংসিষম্ ॥২৮॥

45.29

ঋভুক্ষণং ন বর্তব উক্থেষু তুগ্র্যাবৃধম্ । ইন্দ্রং সোমে সচা সুতে ॥২৯॥

45.30

যঃ কৃন্তদিদ্বি যোন্যং ত্রিশোকায় গিরিং পৃথুম্ । গোভ্যো গাতুং নিরেতবে ॥৩০॥

45.31

যদ্দধিষে মনস্যসি মন্দানঃ প্রেদিয়ক্ষসি । মা তত্করিন্দ্র মৃলয় ॥৩১॥

45.32

দভ্রং চিদ্ধি ত্বাবতঃ কৃতং শৃণ্বে অধি ক্ষমি । জিগাত্বিন্দ্র তে মনঃ ॥৩২॥

45.33

তবেদু তাঃ সুকীর্তয়োঽসন্নুত প্রশস্তয়ঃ । যদিন্দ্র মৃলয়াসি নঃ ॥৩৩॥

45.34

মা ন একস্মিন্নাগসি মা দ্বয়োরুত ত্রিষু । বধীর্মা শূর ভূরিষু ॥৩৪॥

45.35

বিভয়া হি ত্বাবত উগ্রাদভিপ্রভঙ্গিণঃ । দস্মাদহমৃতীষহঃ ॥৩৫॥

45.36

মা সখ্যুঃ শূনমা বিদে মা পুত্রস্য প্রভূবসো । আবৃত্বদ্ভূতু তে মনঃ ॥৩৬॥

45.37

কো নু মর্যা অমিথিতঃ সখা সখায়মব্রবীৎ । জহা কো অস্মদীষতে ॥৩৭॥

45.38

এবারে বৃষভা সুতেঽসিন্বন্ভূর্যাবয়ঃ । শ্বঘ্নীব নিবতা চরন্ ॥৩৮॥

45.39

আ ত এতা বচোয়ুজা হরী গৃভ্ণে সুমদ্রথা । যদীং ব্রহ্মভ্য ইদ্দদঃ ॥৩৯॥

45.40

ভিন্ধি বিশ্বা অপ দ্বিষঃ পরি বাধো জহী মৃধঃ । বসু স্পার্হং তদা ভর ॥৪০॥

45.41

যদ্বীলাবিন্দ্র যত্স্থিরে যত্পর্শানে পরাভৃতম্ । বসু স্পার্হং তদা ভর ॥৪১॥

45.42

যস্য তে বিশ্বমানুষো ভূরের্দত্তস্য বেদতি । বসু স্পার্হং তদা ভর ॥৪২॥