সূক্ত 47

47.1

১৮ ত্রিত আপ্ত্যঃ । আদিত্যাঃ , ১৪ -১৮ আদিত্যোষসঃ ( দুঃস্বপ্নঘ্নং ) । মহাপংক্তিঃ ।

মহি বো মহতামবো বরুণ মিত্র দাশুষে ।
যমাদিত্যা অভি দ্রুহো রক্ষথা নেমঘং নশদনেহসো ব ঊতয়ঃ সুঊতয়ো ব ঊতয়ঃ ॥১॥

বিদা দেবা অঘানামাদিত্যাসো অপাকৃতিম্ ।
পক্ষা বয়ো যথোপরি ব্য১স্মে শর্ম যচ্ছতানেহসো ব ঊতয়ঃ সুঊতয়ো ব ঊতয়ঃ ॥২॥

ব্য১স্মে অধি শর্ম তত্পক্ষা বয়ো ন যন্তন ।
বিশ্বানি বিশ্ববেদসো বরূথ্যা মনামহেঽনেহসো ব ঊতয়ঃ সুঊতয়ো ব ঊতয়ঃ ॥৩॥

যস্মা অরাসত ক্ষয়ং জীবাতুং চ প্রচেতসঃ ।
মনোর্বিশ্বস্য ঘেদিম আদিত্যা রায় ঈশতেঽনেহসো ব ঊতয়ঃ সুঊতয়ো ব ঊতয়ঃ ॥৪॥

পরি ণো বৃণজন্নঘা দুর্গাণি রথ্যো যথা ।
স্যামেদিন্দ্রস্য শর্মণ্যাদিত্যানামুতাবস্যনেহসো ব ঊতয়ঃ সুঊতয়ো ব ঊতয়ঃ ॥৫॥

পরিহ্বৃতেদনা জনো যুষ্মাদত্তস্য বায়তি ।
দেবা অদভ্রমাশ বো যমাদিত্যা অহেতনানেহসো ব ঊতয়ঃ সুঊতয়ো ব ঊতয়ঃ ॥৬॥

ন তং তিগ্মং চন ত্যজো ন দ্রাসদভি তং গুরু ।
যস্মা উ শর্ম সপ্রথ আদিত্যাসো অরাধ্বমনেহসো ব ঊতয়ঃ সুঊতয়ো ব ঊতয়ঃ ॥৭॥

যুষ্মে দেবা অপি ষ্মসি যুধ্যন্ত ইব বর্মসু ।
যূয়ং মহো ন এনসো যূয়মর্ভাদুরুষ্যতানেহসো ব ঊতয়ঃ সুঊতয়ো ব ঊতয়ঃ ॥৮॥

অদিতির্ন উরুষ্যত্বদিতিঃ শর্ম যচ্ছতু ।
মাতা মিত্রস্য রেবতোঽর্যম্ণো বরুণস্য চানেহসো ব ঊতয়ঃ সুঊতয়ো ব ঊতয়ঃ ॥৯॥

যদ্দেবাঃ শর্ম শরণং যদ্ভদ্রং যদনাতুরম্ ।
ত্রিধাতু যদ্বরূথ্যং১ তদস্মাসু বি যন্তনানেহসো ব ঊতয়ঃ সুঊতয়ো ব ঊতয়ঃ ॥১০॥

আদিত্যা অব হি খ্যতাধি কূলাদিব স্পশঃ ।
সুতীর্থমর্বতো যথানু নো নেষথা সুগমনেহসো ব ঊতয়ঃ সুতয়ো ব ঊতয়ঃ ॥১১॥

নেহ ভদ্রং রক্ষস্বিনে নাবয়ৈ নোপয়া উত ।
গবে চ ভদ্রং ধেনবে বীরায় চ শ্রবস্যতেঽনেহসো ব ঊতয়ঃ সুঊতয়ো ব ঊতয়ঃ ॥১২॥

যদাবির্যদপীচ্যং১ দেবাসো অস্তি দুষ্কৃতম্ ।
ত্রিতে তদ্বিশ্বমাপ্ত্য আরে অস্মদ্দধাতনানেহসো ব ঊতয়ঃ সুঊতয়ো ব ঊতয়ঃ ॥১৩॥

যচ্চ গোষু দুষ্ষ্বপ্ন্যং যচ্চাস্মে দুহিতর্দিবঃ ।
ত্রিতায় তদ্বিভাবর্যাপ্ত্যায় পরা বহানেহসো ব ঊতয়ঃ সুঊতয়ো ব ঊতয়ঃ ॥১৪॥

নিষ্কং বা ঘা কৃণবতে স্রজং বা দুহিতর্দিবঃ ।
ত্রিতে দুষ্ষ্বপ্ন্যং সর্বমাপ্ত্যে পরি দদ্মস্যনেহসো ব ঊতয়ঃ সুঊতয়ো ব ঊতয়ঃ ॥১৫॥

তদন্নায় তদপসে তং ভাগমুপসেদুষে ।
ত্রিতায় চ দ্বিতায় চোষো দুষ্ষ্বপ্ন্যং বহানেহসো ব ঊতয়ঃ সুঊতয়ো ব ঊতয়ঃ ॥১৬॥

যথা কলাং যথা শফং যথ ঋণং সংনয়ামসি ।
এবা দুষ্ষ্বপ্ন্যং সর্বমাপ্ত্যে সং নয়ামস্যনেহসো ব ঊতয়ঃ সুঊতয়ো ব ঊতয়ঃ ॥১৭॥

অজৈষ্মাদ্যাসনাম চাভূমানাগসো বয়ম্ ।
উষো যস্মাদ্দুষ্ষ্বপ্ন্যাদভৈষ্মাপ তদুচ্ছত্বনেহসো ব ঊতয়ঃ সুঊতয়ো ব ঊতয়ঃ ॥১৮॥