সূক্ত 41

41.1

১০ নাভাকঃ কাণ্বঃ। বরুণ : । মহাপংক্তিঃ ।

অস্মা ঊ ষু প্রভূতয়ে বরুণায় মরুদ্ভ্যোঽর্চা বিদুষ্টরেভ্যঃ ।
যো ধীতা মানুষাণাং পশ্বো গা ইব রক্ষতি নভন্তামন্যকে সমে ॥১॥

41.2

তমূ ষু সমনা গিরা পিতৄণাং চ মন্মভিঃ ।
নাভাকস্য প্রশস্তিভির্যঃ সিন্ধূনামুপোদয়ে সপ্তস্বসা স মধ্যমো নভন্তামন্যকে সমে ॥২॥

41.3

স ক্ষপঃ পরি ষস্বজে ন্যু১স্রো মায়য়া দধে স বিশ্বং পরি দর্শতঃ ।
তস্য বেনীরনু ব্রতমুষস্তিস্রো অবর্ধয়ন্নভন্তামন্যকে সমে ॥৩॥

41.4

যঃ ককুভো নিধারয়ঃ পৃথিব্যামধি দর্শতঃ ।
স মাতা পূর্ব্যং পদং তদ্বরুণস্য সপ্ত্যং স হি গোপা ইবের্যো নভন্তামন্যকে সমে ॥৪॥

41.5

যো ধর্তা ভুবনানাং য উস্রাণামপীচ্যা৩ বেদ নামানি গুহ্যা ।
স কবিঃ কাব্যা পুরু রূপং দ্যৌরিব পুষ্যতি নভন্তামন্যকে সমে ॥৫॥

41.6

যস্মিন্বিশ্বানি কাব্যা চক্রে নাভিরিব শ্রিতা ।
ত্রিতং জূতী সপর্যত ব্রজে গাবো ন সংয়ুজে যুজে অশ্বাঁ অয়ুক্ষত নভন্তামন্যকে সমে ॥৬॥

41.7

য আস্বত্ক আশয়ে বিশ্বা জাতান্যেষাম্ ।
পরি ধামানি মর্মৃশদ্বরুণস্য পুরো গয়ে বিশ্বে দেবা অনু ব্রতং নভন্তামন্যকে সমে ॥৭॥

41.8

স সমুদ্রো অপীচ্যস্তুরো দ্যামিব রোহতি নি যদাসু যজুর্দধে ।
স মায়া অর্চিনা পদাঽস্তৃণান্নাকমারুহন্নভন্তামন্যকে সমে ॥৮॥

41.9

যস্য শ্বেতা বিচক্ষণা তিস্রো ভূমীরধিক্ষিতঃ ।
ত্রিরুত্তরাণি পপ্রতুর্বরুণস্য ধ্রুবং সদঃ স সপ্তানামিরজ্যতি নভন্তামন্যকে সমে ॥৯॥

41.10

যঃ শ্বেতাঁ অধিনির্ণিজশ্চক্রে কৃষ্ণাঁ অনু ব্রতা ।
স ধাম পূর্ব্যং মমে যঃ স্কম্ভেন বি রোদসী অজো ন দ্যামধারয়ন্নভন্তামন্যকে সমে ॥১০॥